Sangli Accident News : विटा- महाबळेश्वर राज्य मार्गावर ट्रॅव्हल्स आणि कार या दाेन वाहनांत आज (गुरुवार) सकाळी भीषण अपघात झाला. या अपघातात चार जण जागीच ठार झाले. यामध्ये एक महिला आणि तीन पुरुषांचा समावेश आहे. या अपघातातून सदानंद दादोबा काशीद हे बचावले असून ते जखमी झाले आहेत. (Maharashtra News)

घटनास्थळावरुन आणि पाेलिसांकडून मिळालेली माहिती अशी - आज सकाळच्या सुमारास विटा महाबळेश्वर राज्य मार्गावरून साताराच्या दिशेने विट्याकडून ट्रॅव्हल्स निघाली होती. त्याचवेळी साताराकडून येणारी कार विटाच्या दिशेने येत होती. शिवाजीनगर परिसरातील अकरा मारुती मंदिराच्या पुढे उताराच्या ठिकाणी वाहनांची धडक झाली.

ही धडक इतकी भीषण हाेती की कारचा पूढच्या भागाचा चक्काचूर झाला. या कारमध्ये एकूण पाच जण प्रवासी हाेती. त्यातील चाैघांचा मृत्यू झाला आहे. हे चौघेही तासगाव तालुक्यातील गव्हाण येथील काशीद कुटुंबातील आहेत. दरम्यान चालकाच्या बाजूला बसलेली व्यक्ती अपघातानंतर एअर बॅग उघडलयाने बचावल्याचे पाेलिसांनी सांगितले.

पाेलिसांनी दिलेल्या माहितीनूसार या अपघातात सुनीता सदानंद काशीद, चंद्रकांत दादाबो काशीद, अशोक नामदेव सुर्यवंशी (सर्व रा. गव्हाण, ता. तासगांव) आणि मालाड (मुंबई) येथील बदली गाडी चालक योगेश कदम हे जागीच ठार झाले आहेत.

Edited By : Siddharth Latkar