- बालाजी सुरवसे

Dharashiv News : आरोग्यमंत्री तानाजी सावंत (health minister tanaji sawant) यांच्या दबावामुळे पाेलिस खातं नरमलं आहे. परिणामी गुंडांची भूम परांडा वाशी मतदारसंघात दहशत वाढू लागली आहे असा आराेप राष्ट्रवादी काँग्रेसचे माजी आमदार राहुल मोटे (former mla rahul mote) यांनी आज (गुरुवार) पत्रकार परिषदेत मंत्री तानाजी सावंत यांच्यावर केला. माेटे यांनी मंत्री सावंत यांच्या राजीनाम्याची मागणी देखील केली आहे. (Maharashtra News)

माजी आमदार राहूल माेटे म्हणाले पालकमंत्री तानाजी सावंत यांचा पोलीस खाते व इतर खात्यात हस्तक्षेप वाढला आहे. त्यामुळे भूम परांडा वाशी मतदारसंघात दहशत वाढत आहे. पवनचक्की चालकांना धमक्या देण्याचे प्रकार वाढल्याचे देखील माेटे यांनी नमूद केले. यावेळी त्यांनी विविध घटनांचे दाखल देत मंत्री तानाजी सावंत यांच्या राजीनाम्याची मागणी केली.

माजी आमदार राहूल माेटे म्हणाले भूम-परंडा-वाशी मतदारसंघाचा बिहार झाला आहे. कृषी उत्पन्न बाजार समिती पदाधिकारी निवडीवेळी सोलापूर जिल्ह्यातील उजनी येथे घडलेल्या घटनेत तानाजी सावंत यांच्या दबावापोटी पोलिसांनी योग्य कलम लावले नाहीत.

त्यामुळे गुंडांचा आत्मविश्वास वाढत आहे. यामुळेच 12 जुनला ठाकरे गटाच्या कार्यकर्त्यावर सावंत यांच्या बॉडिगार्डकडून हल्ला झाल्याचा आरोप देखील राष्ट्रवादी काँग्रेसचे नेते माजी आमदार राहुल मोटे यांनी केला आहे. यासंदर्भात मुख्यमंत्री व उपमुख्यमंत्र्यांच्या भेट घेणार असल्याचे माेटे यांनी नमूद केले. या भेटीत मंत्री तानाजी सावंत यांच्या राजीनाम्याची मागणी करणार असल्याचे मोटे यांनी पत्रकार परिषदेत सांगितलं.

Edited By : Siddharth Latkar