School Reopen : ए आई मला शाळेत जाऊ दे... नाशकात पालकांचा मुलांसह शाळेच्या बाहेर ठिय्या, निरागस बालकांनी रस्त्यावरच बसून खाल्ला टिफिन

शाळा व्यवस्थापनाने तातडीने याेग्य निर्णय घ्यावा अशी अपेक्षा पालकांनी व्यक्त केली आहे.
nashik news, school, students
nashik news, school, studentssaam tv

- तबरेज शेख

Nashik News : नाशिक शहरातील भोसला स्कूलच्या शिशु विहार शाळेत आज (गुरुवार) शाळेच्या पहिल्याच दिवशी विद्यार्थी आणि पालकांवर आंदोलनाची वेळ आली. विद्यार्थ्यांना मोडकळीस आलेली इमारत दिल्याने पालक आक्रमक झाले. त्यांनी विद्यार्थ्यांसह शाळेच्या प्रवेशद्वारा बाहेर ठिय्या मांडला. (Maharashtra News)

nashik news, school, students
Udayanraje Bhosale : ...तर जनतेच्या अस्मितेवर तो घाला असेल; उदयनराजेंच्या पाेस्टची जनमाणसांत चर्चा

उन्हाळी सुटी नंतर आजपासून महाराष्ट्रातील नव्या शैक्षणिक वर्षास प्रारंभ (maharashtra school reopens today) हाेत आहे. राज्यभरातील शाळांची आज सकाळी ७.३० वाजताच घंटा वाजली आहे. शाळेच्या पहिल्या दिवशी अनेक शाळांमध्ये प्रवेशोत्सव साजरा केला जात आहे. दरम्यान नाशिक शहरात असुविधांमुळे पालकांनी भाेसला शाळेच्या बाहेर आंदाेलन पुकारले आहे.

nashik news, school, students
Satara News : 'कुटुंब विभक्त करण्याची शरद पवारांना सवय,साताऱ्यातही तेच केलं'

भाेसला स्कूलच्या शिशू विहार आणि बालक मंदिर (nashik news) या शाळेच्या मुख्य प्रवेशद्वारा बाहेर आंदाेलनास बसलेल्या विद्यार्थ्यांच्या पालकांनी साम टीव्हीशी संवाद साधताना विद्यार्थ्यांच्या फी मध्ये इमारत शुल्क घेऊनही विद्यार्थ्यांना नवीन इमारतीत बसविले नाही अशी खंत व्यक्त केली. यावेळी पालकांनी संतप्त प्रतिक्रिया व्यक्त केल्या. या शाळेचे सुरक्षा रक्षक आले असता त्यांना पालकांनी हुसकावून लावत जे याेग्य निर्णय घेऊ शकतात त्यांच्याशी आम्ही चर्चा करु असे सुनावले.

nashik news, school, students
Tulja Bhavani Mandir : पुजारी वैतागले; तुळजाभवानी मंदिरात उंदारांचा उच्छाद, पेढ्यांसह लाडवावर ताव

शाळा प्रशासनाने दिलेली इमारत विद्यार्थ्यांसाठी धोकादायक असल्याने नवी इमारत देण्याची मागणी पालकांनी केली. राज्यात एकीकडे विद्यार्थ्यांचे शाळेत स्वागत होत असताना दुसरीकडे भोसला स्कूल मधील विद्यार्थ्यांना पहिल्याच दिवशी असुविधांमुळे पालकासमवेत आंदोलनास बसावे लागले. यावेळी पालकांनी चिमुकल्यांना त्यांचा डब्बा शाळेच्या बाहेरच खाऊ घातला.

Edited By : Siddharth Latkar

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com