सचिन कदम, रायगड

रायगड : राज्यात सर्वत्र लोकसभा निवडणुकीची रणधुमाळी पाहायला मिळत आहे. रायगडमध्येही लोकसभा निवडणुकीची राजकीय धामधूम पाहायला मिळत आहे. या लोकसभा निवडणुकीदरम्यान अजित पवार गटाचे उमेदवार सुनील तटकरे यांनी इंडिया आघाडीला मोठा धक्का दिला आहे. माजी मुख्यमंत्री ए. आर. अंतुले यांचे जावई, काँग्रेसचे माजी आमदार मुश्ताक अंतुले हे लवकरच अजित पवार गटात प्रवेश करणार आहे.

रायगड लोकसभा मतदारसंघात अजित पवार गटाचे प्रदेशाध्यक्ष सुनील तटकरे आणि ठाकरे गटाचे अनंत गीते यांच्यात प्रमुख लढत पाहायला मिळत आहे. या लोकसभा मतदारसंघात सुनील तटकरे यांनी प्रचाराला जोरदार सुरुवात केली आहे.

या लोकसभा मतदारसंघात सुनील तटकरे यांनी मोर्चेबांधणी सुरु केली आहे. या मतदारसंघात तटकरे यांनी इंडिया आघाडीला दे धक्का दिला आहे. काँग्रेसचे माजी आमदार मुश्ताक अंतुले लवकरच अजित पवार गटात प्रवेश करणार आहे. माजी आमदार मुश्ताक अंतुले हे काँग्रेसचे प्रदेश प्रतिनिधी आहेत.

मुश्ताक अंतुले हे २३ किंवा २४ एप्रिल रोजी राष्ट्रवादी काँग्रेसमध्ये प्रवेश करणार आहे. त्यांच्या प्रवेशाला अंतुले यांच्या निकटवर्तीयांनी दुजोरा दिला आहे. मुश्ताक अंतुले हे माजी मुख्यमंत्री ए.आर. अंतुले यांचे जावई आहेत. दोनच दिवसांपूर्वी मुश्ताक अंतुले यांनी मुख्यमंत्री एकनाथ शिंदे यांची भेट घेतली. मुश्ताक अंतुले यांच्या प्रवेशामुळे सुनील तटकरे यांना मोठी ताकद मिळणार आहे.