- जितेश कोळी

Ratnagiri News : रत्नागिरी (Ratnagiri) जिल्ह्यातील खेड (Khed) येथे वन विभागाकडून (Forest Department) मोठी कारवाई करण्यात आली आहे. बेकायदेशीर रित्या जंगलतोड करून ट्रकमध्ये भरलेली लाकडे मुंबईच्या (mumbai) दिशेने घेऊन जात असताना वन विभागाने पकडले आहे.

वन विभागाला (forest department) काही स्थानिक नागरिकांनी ट्रकबाबत माहिती दिली. त्यानंतर वन विभागाने खेड येथील भरणे नाका या ठिकाणी छापा टाकला. तेथे त्यांना दोन ट्रक मध्ये जंगली लाकडे भरलेली आढळली. वन विभागाच्या अधिका-यांनी चाैकशी केली असता संबंधितांकडे वन विभागाचा परवाना नव्हता. (Maharashtra News)

त्यानंतर दोन्ही ट्रक वन विभागाने ताब्यात घेतले. या ट्रकचा पंचनामा करून गुन्हा दाखल करण्याची प्रक्रिया सुरू करण्यात आली आहे. दरम्यान ट्रकचा मालक राजकीय वर्तुळातील असल्याची प्राथमिक समाेर आली आहे. त्यामुळे राजकीय वर्तुळात खळबळ उडाली आहे. निसर्गाचा वरदहस्त लाभलेल्या कोकणात अनेक ठिकाणी बेकायदेशीर जंगलतोड (jungle) सुरू असून डोंगर उजाड होत चाललेले पाहायला मिळत आहे.

Edited By : Siddharth Latkar