Dengue : बीड जिल्ह्यातील वडवणी शहरासह तालुक्यात संसर्गजन्य आजाराने डोके वर काढले आहे. प्रत्येक गावागावात रुग्ण आढळून येत आहेत. यामध्ये लहान मुलांची (kids) सर्वाधिक संख्या आहे. वडवणीच्या पिंपरखेड गावातील पाच वर्षीय चिमुकलीचा डेंग्यूने (dengue) उपचारा दरम्यान दुर्दैवी मृत्यू झाला आहे. वेदिका भगवान साबळे असं मृत चिमुकलीचे नाव आहे. (Breaking Marathi News)

पिंपरखेड येथील शाम भगवान साबळे यांच्या वेदिका हिला दहा दिवसांपूर्वी आजाराने ग्रासले. त्यामुळे तिला शहरातील एका खासगी रुग्णालयात उपचारासाठी तिला दाखल केले. परंतु उपचाराला प्रतिसाद न दिल्यामुळे बीड येथील खासगी रुग्णालयात उपचारासाठी दाखल केल्यानंतर तपासणी अंती डेंग्यू आजाराने तिचा मृत्यू झाला. (beed latest marathi news)

दरम्यान वडवणी शहरासह तालुक्यात ताप, सर्दी, खोकला, अंगदुखी यासारख्या संसर्ग आजाराने थैमान घातले आहे. याला आरोग्य विभागासह ग्रामपंचायत स्तरावरील प्रशासन देखील जबाबदार आहे. गावात अस्वच्छता, रस्त्यावर पाण्याचे डबके, मच्छर सह आदी प्रश्नांनी ग्रासले असल्याने यातूनच डेंग्यू सारखे आजार फोफावले असल्याचे बोलले जात असल्याने आरोग्य प्रशासना विरोधात संताप व्यक्त केला जात आहे. (Maharashtra News)

Edited By : Siddharth Latkar