महापालिका निवडणुकीत घराघरातच राजकारणाची कुस्ती रंगलीय... मुंबई महापालिकेतील वॉर्ड क्रमांक 138 मध्ये चक्क बाप- लेक एकमेंकासमोर उभे ठाकलेत. त्यातही महादेव अंबेकरांना ठाकरेसेनेकडून उमेदवारी मिळालीय. तर मुलगा डॉ. अमोल अंबेकरांना शिंदेसेनेनं तिकीट दिलयं... त्यामुळे बाप-लेकांची ही लढत कोल्हापुरी मिसळसारखी झणझणीत झालीय...

स्थानिक स्वराज्य संस्थांच्या निवडणुकीत ठाकरेसेना आणि शिंदेसेना अनेक ठिकाणी आमनेसामने आल्या. आता महापालिका निवडणुकीत मुंबईतली निवडणूक ठाकरे सेनेसाठी अस्तीत्वाची लढाई आहे. दोन्ही पक्षांनी कंबर कसलेली असताना एकाच कुटुंबात बापाला ठाकरेसेनेनं तर मुलाला शिंदेसेनेनं उमेदवारी दिल्यानं नवा संघर्ष पेटलाय...

राज्याच्या राजकारणात आतापर्यंत काका-पुतण्याची, भावा-बहिणींची, भावा-भावांची लढत अनेकदा दिसलयं...आता बापाविरोधात पोरानं दंड थोपल्यानंतर गोवंडी परिसरातील राजकीय वातावरण चांगलचं तापलयं... डॉ. अमोल अंबेकरांचा उमेदवारी अर्ज दाखल करण्यासाठी स्वत: राज्याचे उपमुख्यमंत्री एकनाथ शिंदेंनी हजेरी लावल्यानं या निवडणुकीला चांगलीच प्रतिष्ठा मिळालीय... आता बाप-लेकाच्या या लढाईत नेमकं कोण बाजी मारणार? हे पाहणं महत्त्वाचं ठरणार आहे...