- बालाजी सुरवसे

Dharashiv News : पाणीपुरवठा योजनेचा विज पुरवठा सुरू करण्यासाठी लोहटा पुर्व ग्रामस्थ आक्रमक झाले आहेत. सर्व ग्रामस्थांनी एकत्र येत आज (साेमवार) कळंब-लातुर महामार्गावर (kalamb latur highway) लोहटा पुर्व गावात रास्ता रोको आंदोलन छेडलं. यामुळे परिसरातील वाहतुक काही काळ ठप्प झाली. (Maharashtra News)

धाराशिव-कळंब तालुक्यातील लोहटा पुर्व गावातील गाव अंतर्गत पाणी पुरवठा योजनेचा विज लाईन बंद असल्याने गावातील पाणीपुरवठा बंद पडला आहे. त्यामुळे गावातील पाणी पुरवठा विस्कळीत असुन टंचाईचा सामना गावकऱ्यांना करावा लागत आहे.

याबाबत वारंवार वीज वितरण कंपनीकडे (mahavitran) पाठपुरावा करून देखील याकडे दुर्लक्ष करण्यात येत असल्याने संतप्त झालेल्या ग्रामस्थांनी वीज वितरण कंपनीच्या विरोधात आक्रमक पवित्रा घेतला.

आज ग्रामस्थांनी कळंब- लातुर महामार्गावर रास्ता रोको आंदोलन केले. प्रशासनाने लवकरात लवकर दखल न घेतल्यास तीव्र आंदोलन करण्यात येईल असा इशारा ग्रामस्थांनी दिला आहे. या आंदोलनामुळे काही काळ वाहतूक ठप्प झाली होती.

Edited By : Siddharth Latkar