Solapur News : सोलापूर जिल्ह्यात असलेल्या एटीएम सेंटरमध्ये कार्डची अदलाबदली करत नागरिकांची फसवणूक करणाऱ्या संशयितास स्थानिक गुन्हे शाखेच्या पोलिसांनी अटक केली आहे. त्याने केलेले आठ गुन्हे उघडकीस आले आहेत. श्रवण सतीश मिनजगी असे अटक करण्यात आलेल्या संशयित आरोपीचे नाव असल्याची माहिती पाेलिसांनी दिली. (Maharashtra News)
एटीएम कार्डसंदर्भातील आरोपींचा शोध घेताना सीसीटीव्ही फुटेजमध्ये एक जण सोलापूर शहरातील आसरा चौक परिसरातील थांबला असल्याची माहिती पोलिसांना मिळाली. त्याबाबत खात्री करून संशयिताला ताब्यात घेत त्याची चौकशी केली.
त्याने दक्षिण सोलापूर तालुक्यातील मंद्रुपमध्ये स्टेट बँक ऑफ इंडिया याच्या एटीएम (atm) सेंटरमध्ये एका इसमास फसवून त्यांची नजर चुकवून एटीएम कार्डची अदलाबदली करून साथीदाराच्या मदतीने पैसे काढल्याचे सांगितले.
त्याशिवाय आणखी ७ ठिकाणी अशा प्रकारचे गुन्हे केले असल्याचे सांगितले. या गुन्ह्याचा तपास सुरू असून आणखी गुन्हे उघडकीस येण्याची शक्यता आहे अशी माहिती पोलिसांनी (police) दिली.
Edited By : Siddharth Latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.