Buldhana News : पंधरा दिवसापासून विद्युत पुरवठा खंडित असल्याने बुलढाणा जिल्ह्यातील शेतकरी संतप्त झालेत. संतप्त शेतक-यांनी महावितरण कार्यालयासमाेर निदर्शने केली. यावेळी शेतक-यांनी सुरळीत विद्युत पूरवठ्याची मागणी केली. (Maharashtra News)

बुलढाणा जिल्ह्याच्या चिखली तालुक्यातील मंगरूळ नवघरे येथील वीज वितरण उपकेंद्र अंतर्गत शेतकऱ्यांच्या शेतातील गेल्या पंधरा दिवसांपासून विद्युत पुरवठा खंडित झालेला आहे. त्यामुळे शेतकऱ्यांची रब्बी पिके सुकू लागली आहेत.

महावितरणच्या (mahavitran) कारभाराविरोधात रोष व्यक्त करत शेतकऱ्यांनी महावितरण कार्यालय गाठून जोरदार निदर्शने केली. संबंधित डीपीवरील अतिरिक्त विद्युत भार कमी करून वीजपुरवठा सुरळीत करावा अशी मागणी शेतक-यांकडून करण्यात आली. दरम्यान मागणी मान्य न झाल्यास आंदोलनाचा इशाराही शेतकऱ्यांनी दिला.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

Edited By : Siddharth Latkar