Beed News Today: शेतकरी आत्महत्याग्रस्त जिल्हा म्हणून राज्यात बीड जिल्ह्याची ओळख पडली आहे.. सततची नापिकी, कर्जबाजारीपणा, दुष्काळ, अतिवृष्टी अशा एक ना अनेक समस्याने नैराश्यात आलेला शेतकरी आत्महत्या करतोय. मात्र आता इतिहासात पहिल्यांदाच बीड जिल्ह्याला धनंजय मुंडे यांच्या रूपाने कृषिमंत्री पद मिळालं आहे. त्यामुळं बीड जिल्ह्यातील शेतकऱ्यांनी आता मोठ्या अपेक्षा व्यक्त केल्या आहेत.  (Latest Marathi News)

आज बियाणाला मोठा भाव आहे. पिकाला हमीभाव नाही. जिल्ह्यात अपुरा पाऊस झालाय. त्यामुळं आज शेतकऱ्यांवर दुबार पेरणीची वेळ आलीय. अगोदरचं उसनवारी करून पैसे आणलेत आता पैसे आणावे कुठून..? आज अतिवृष्टीचे अनुदान नाही. पीकविमा मिळाला नाही. सरकार आणि शासन फक्त घोषणा करतंय. मात्र शेतकऱ्यांच्या (Farmer) पदरात काहीच पडत नाही.

त्यामुळं शेतकरी आत्महत्या होत आहेत. अशा व्यथा शेतकऱ्यांनी व्यक्त केल्या आहेत. त्यामुळं आमच्या शेतमालाला हमीभाव द्या अशी मागणी शेतकऱ्यांनी कृषीमंत्री धनंजय मुंडे यांच्याकडे केली आहे. दरम्यान यामुळं आता शेतकऱ्यांच्या मालाला हमीभाव मिळणार का? आणि बीड (Beed) जिल्ह्याला शेतकरी आत्महत्याग्रस्त जिल्हा म्हणून लागलेली ओळख धनंजय मुंडे (Dhananjay Munde) पुसणार का ? हेचं पाहणं महत्वाचं ठरणार आहे.