Pandharpur News :

पंढरपूरचे राष्ट्रवादीचे नेते व विठ्ठल सहकारी साखर कारखान्याचे (vitthal sahakari sakhar karkhana) अध्यक्ष अभिजित पाटील (ncp leader abhijeet patil) यांच्या समर्थनार्थ आज (गुरुवार) साखर कारखान्याच्या सभासद व कामगारांनी बॅंकेच्या विरोधात आंदोलन (aandolan) केले. यावेळी आंदाेलकांनी बॅंकेच्या कारवाईच्या पत्राची होळी करत निषेध केला. (Maharashtra News)

पंढरपूर येथील विठ्ठल सहकारी साखर कारखान्याचे अध्यक्ष अभिजित पाटील व त्यांच्या संचालक मंडळावर राज्य सहकारी बँकेने फसवणूकीचा गुन्हा दाखल केला आहे. बॅंकेने केलेल्या या कारवाईच्या निषेधार्थ व अभिजीत पाटील यांच्या समर्थनार्थ पंढरपूर तालुक्यातील शेकडो शेतक-यांनी आज एकत्रित येत कारखान्यावर आंदोलन केले.

थकीत रक्कम वसूल करण्यासाठी राज्य सहकारी बँकेने संचालक मंडळावर गुन्हा दाखल केला. या कारवाईचे तालुक्यात पडसाद उमटले आहेत. बॅंकेला हाताशी धरून राज्य सरकारने राजकीय सुड बुध्दीने ही कारवाई केली आहे.

(साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

ही कारवाई तातडीने मागे घ्यावी अन्यथा या कारवाईच्या विरोधात संचालक मंडळासह शेतकरी तीव्र आंदोलन करतील असा इशारा कारखान्याचे संचालक प्रा. तुकाराम मस्के व वकील दिपक पवार यांनी दिला आहे.

Edited By : Siddharth Latkar