Pandharpur : नीरा उजवा कालवा (nira ujwa kalwa) तीन डी फाट्याला पाणी सोडावे या मागणीसाठी राष्ट्रवादीचे काॅंग्रेसच्या (ncp) वतीने आंदोलन करण्यात आले. दरम्यान या आंदाेलनाप्रसंगी शेतक-यांनी तीन डी फाट्याला पाणी मिळावे यासाठी व्हाॅल्व्ह फिरवून अधिका-यांचा निषेध नाेंदवला.

सध्या नीरा उजव्या कालव्यातून शेतीसाठी (farm) पाणी सुरू आहे. दरम्यान स्थानिक लोकप्रतिनिधींच्या आदेशा नुसार अधिका-यांनी तीन‌ डी फाट्याला सुरू असलेले पाणी अचानक बंद केले होते. यामुळे शेतीला पाणी मिळू शकले नाही.

तीन डी फाट्याचे पाणी अचानक बंद केल्याने शेतकरी (farmers) संतप्त झाले होते. त्यांनी तीन डी फाट्याला पाणी सोडावे अशी मागणी केली. तसेच शेतक-यांनी तीन डी फाट्याला पाणी साेडावे या मागणीसाठी राष्ट्रवादी युवक काँग्रेसचे कार्यालयीन सरचिटणीस अरूण आसबे यांच्या नेतृत्वाखाली आंदोलन केले.

यावेळी शेतक-यांनी स्वत:हून व्हाॅल्व्ह फिरविला. तसेच तीन डी फाट्याला साेडले. आगामी काळात पुन्हा तीन डी फाट्याचे पाणी अधिका-यांनी बंद केल्यास राष्ट्रवादी त्याला शेतक-यांसमवेत चाेख उत्तर देईल असा इशारा पदाधिका-यांनी दिला. (Maharashtra News)

Edited By : Siddharth Latkar