Fake Talathi Recruitment : छत्रपती संभाजीनगर जिल्ह्यात बेरोजगार तरुणांची फसवणूक करणारे एक मोठे बनावट रॅकेट उघडकीस आले आहे. हे रॅकेट तलाठी पदाचे बनावट नियुक्तीपत्र देऊन तरुणांना तब्बल १५ लाख रुपयांना गंडा घालत असल्याची धक्कादायक माहिती उघड झाली आहे. या प्रकारानंतर राज्यात एकच खळबळ उडाली.

उमेदवारांचा विश्वास संपादन करण्यासाठी या टोळीने त्यांना थेट लॅपटॉप दिले होते. इतकेच नव्हे, तर त्यांचे फोटो काढून त्यांना बनावट प्रशिक्षणही देण्यात आले. हा सर्व प्रकार समोर आल्यानंतर जिल्हाधिकारी कार्यालयाने तात्काळ या रॅकेटविरोधात पोलिसांत तक्रार दाखल केली आहे. याप्रकरणी पोलिसांनी गुन्हा नोंदवला असून, पुढील तपास वेगाने सुरू आहे. सुशिक्षित बेरोजगारांनी अशा आमिषांना बळी पडू नये, असे आवाहन प्रशासनाने केले आहे.