अकोला : अकोल्यात एका व्यक्तीला एका अनोळखी व्यक्तीची फ्रेंड रिक्वेस्ट स्वीकारणे चांगलंच महागात पडलंय. तब्बल सत्तावन लाखांचा गंडा या व्यक्तीला घालण्यात आलाय. आत्माराम रामभाऊ शिंदे असे फसवणूक झालेल्या व्यक्तीचे नाव असून फेसबुकच्या माध्यमातून २५ कोटी रुपयांचे अमिष देऊन ५७ लाख रुपयांची त्यांची फसवणूक करण्यात आली आहे.

हे देखील पहा -

फेसबूकवर फ्रेंड रिक्वेस्ट पाठवून आपण अमेरिकन सैनिक असल्याचे भासवत २५ कोटी रुपयांचे आमिष आत्माराम यांना देण्यात आले. या आमिषाला बळी पडल्यानंतर तब्बल ५७ लाख रुपये या नायजेरियन व्यक्तीच्या खात्यात पाठवल्यानंतर फसवणूक झाल्याचे उघड झाले. या प्रकरणी अकोला सायबर पोलिसांनी एका नायझेरियन आरोपीला अटक केली असून चौकशी त्याची पोलिस करत आहेत. आत्माराम रामभाऊ शिंदे हे आरोग्य विभागातून विस्तार अधिकारी या पदावरुन सेवानिवृत्त झाले आहेत. शिंदे यांचे फेसबुक अकाउंट असून त्यांना एक अनोळखी व्यक्तीची फ्रेंड रिक्वेस्ट आली.

त्यांनी ती रिक्वेस्ट स्वीकारली व दोघांमध्ये फेसबुक वर मैत्री झाली. दरम्यान फसवणूक करणाऱ्याने आपण अमेरिकन सैनिक असून आपली सीरिया येथे नोकरी आहे. माझ्याकडे मोठी रक्कम असून मी ती अमेरिका येथे घेऊन जाऊ शकत नाही. ती, मी तुमच्या खात्यावर पाठवतो. असे सांगून फिर्यादी यांचा विश्वास संपादन केला आणि फेसबुकच्या माध्यमातून २५ कोटी रुपयांचे आमिष देवून तब्बल ५७ लाख रुपयांची फसवणूक केली. अकोल्यातील खदान पोलीस स्टेशनमध्ये फिर्याद दिल्यानंतर सायबर पोलिसांनी एका नायझेरियन आरोपीला आरोपीला अटक केली असून पुढील तपास सुरु आहे.

Edited By : Krushnarav Sathe