Satara :

सातारा शहरानजीक असलेल्या प्रतापसिंहनगर येथे गुंड दत्ता जाधव (datta jadhav pratapsinhnagar) आणि अन्य गुंडांच्या घरावर प्रशासनाने आज (बुधवार) बुलडोजर फिरवला. या धडक कारवाईमुळे प्रतापसिंहनगर परिसरात एकच खळबळ उडाली. पाेलिसांनी परिसरात बंदाेबस्त ठेवला आहे. दरम्यान या कारवाईमुळे उत्तरप्रदेश प्रमाणे सातारा येथे देखील सराईत गुंड, समाजविघातक घटकांच्या विराेधात प्रशासन आक्रमक झाल्याचे दिसून येत आहे. (Maharashtra News)

साताऱ्यातील गुंडगिरी संपवण्यासाठी जिल्हा प्रशासनाने ठाेस पाऊल उचलल्याची चर्चा सातारा शहरातील चाैका चाैकात सुरु आहे. आज पहाटेच्या सुमारास साताऱ्यातील गुंड दत्ता जाधव याचे घर पडण्याचे काम प्रशासनाने अत्यंत गुप्तता पाळत या कारवाईस प्रारंभ केला.

या कारवाईत दत्ता जाधव याच्यासह एकूण 16 घरांवर बुलडाेजर चालविण्यात येणार असल्याचे समजते. आता पर्यंत 6 घरे जमीनदाेस्त करण्यात आली आहेत. या कारवाईत अडथळा येऊ नये यासाठी पाेलिसांचा माेठा बंदाेबस्त प्रतापसिंहनगर येथे कार्यरत आहे.

Edited By : Siddharth Latkar