हे आहेत शिंदेसेनेचे आमदार संतोष बांगर... मतदान करताना त्यांनी थेट मोबाईल काढून व्हीडीओ शुटींगच केलं...

हिंगोलीतील कळमनुरी नगरपरिषदेत आमदार बांगर मतदानासाठी मतदान केंद्रावर पोहचले...कार्यकर्त्यांनी एकच घोषणाबाजी केली...त्यानंतर आमदार महोदयांनी मोबाईल काढून मतदानाच्या खोलीत मुक्तसंचारही केला... तेही मोबाईल स्पीकर मोडवर ठेवून...इतकं कमी होतं की काय....

आमदार साहेबांनी थेट मतदान करणाऱ्या महिलेला अडवून काहीतरी कानात सांगण्याचा प्रयत्नहीकेला.. मात्र या कृतीमुळे आमदाक बांगर पुन्हा एकदा चांगलेच वादाच्या भोवऱ्यात अडकलेत... त्यामुळे मतदान केंद्रातील व्हिडिओची निवडणूक अधिकाऱ्यांनी चौकशी केला आणि थेट बांगर यांच्यावर गुन्हा दाखल केला... दरम्यान बांगराच्या या कृतीवर मुख्यमंत्री देवेंद्र फडणवीसांनीही नाराजी व्यक्त केलीय..

दरम्यान बांगरांनी ज्या मतदान केंद्रावर मतदान केलं. त्या केंद्रावरील निवडणूक अधिकाऱ्यावर तत्काळ बदलीची कारवाई होण्याची दाट शक्यता सूत्रांनी व्यक्त केलीय. मुळात निवडणुकीच्या कालावधीत मतदान केंद्रात प्रवेश करण्याचा अधिकार फक्त अधिकृत व्यक्तींनाच असतो, अशावेळी मोबाईल घेऊन मतदान केंद्रात फिरण्याचा विशेष अधिकार बांगार यांना कुणी आणि कसा दिला?

मतदान केंद्रांवर दबावमुक्त वातावरण ठेवणं गरेजचं असताना मतदान केंद्रावर बांगरांनी महिलेला सूचना कशी दिली? निवडणूक प्रक्रियेच्या निष्पक्षतेला धक्का लावल्यावरही निवडणुक अधिकारी मूग गिळून गप्प का बसले होते? या प्रश्नांची उत्तर बांगर यांच्यासह अधिकाऱ्यांनीही देणं गरजेचं आहे.. अन्यथा मतदान केंद्रावरील हे दबावतंत्र लोकशाहीला मारक ठरणार आहे...