कॉक्रोच जनता पार्टीनं नीट पेपरफुटी प्रकरणविरोधात दिल्लीत आंदोलन उभे करून सरकारला धर्मेंद्र प्रधान यांचा राजीनामा घ्यायला लावला. प्रधान यांच्या राजीनामा घेण्यास भाग पाडणारी 'कॉक्रोच जनता पार्टी' आता सरकारच्या रडारवर आली आहे. या आंदोलनाची आणि त्यात 'जेन झी' तरुणाईने घेतलेल्या सक्रिय सहभागाची जगभरात चर्चा झाली. मात्र, या यशस्वी आंदोलनानंतर सीजेपीला मिळणाऱ्या विदेशी देणग्यांची आता सखोल चौकशी सुरू करण्यात आलीय, अशी माहिती राज्याचे गृहराज्यमंत्री पंकज भोयर यांनी दिली.

राज्य सरकार आणि अंमलबजावणी संचालनालयाने या प्रकरणी कारवाई सुरू केली आहे. यामुळे नवा राजकीय संघर्ष पेटण्याची चिन्हे आहेत."सीजेपीसह राज्यातील इतर काही संस्थांना मिळणाऱ्या परदेशी देणग्यांची चौकशी सुरू झालीय. महाराष्ट्राचा गृह विभाग आणि केंद्रात 'ईडी'कडून ही सखोल तपासणी केली जात आहे. या संस्थांचे बँक खाती आणि आर्थिक व्यवहार तपासले जाणार आहेत.

कठोर कारवाईचा इशारा

"कायदेशीर मार्गाने परदेशातून देणगी मिळवणे यात काहीही गैर नाही. परंतु, जर या पैशांचा वापर देशात मुद्दाम अस्थिरता आणि अराजकता निर्माण करण्यासाठी किंवा चुकीच्या कामांसाठी केला जात असेल, तर संबंधितांवर निश्चितच कठोर कारवाई होईल," असा रोखठोक इशाराही राज्यमंत्री पंकज भोयर यांनी दिलाय.

आपल्या देशात लोकशाही पद्धतीने आंदोलन करणे किंवा निषेध नोंदवणे हे चुकीचं नाही. मात्र सीजेपी असोके अन्या काही संघटना आहे. त्या चुकीच्या पद्धतीने फॉरेन फंडीग घेऊन चुकीच्या कामाकरता उपयोग केला असेल तर याची चौकशी केली जाईल. याची तपासणी केंद्र आणि राज्य सरकारकडून सुरू केली आहे.

नंदुरबार जिल्ह्यातील अक्कलकुवा येथील एका संस्थेला फॉरेन फंडिंग आल होतं. काही तक्रारी प्राप्त झाल्या त्या नंतर तपासणी ते फंडिंगचा वापर चुकीच्या कामाकरिता करण्यात आल्याचं समोर आले. त्यानंतर कारवाई करण्यात आली. अशाच पद्धतीने चुकीचे काम फॉरेनर फंडिंच वापर करण्यासाठी होणार असेल तर त्याची चौकशी केली जाणार आहे.

कारवाईच्या इशाऱ्यानंतर काय म्हणाले अभिजीत दीपके?

सरकारने चौकशीचा ससेमिरा मागे लावल्यानंतर सीजेपीचे संस्थापक अभिजीत दीपके यांनीही सरकारवर जोरदार पलटवार केला. तपास यंत्रणांच्या या चौकशीवर प्रतिक्रिया देताना दीपके यांनी थेट यंत्रणांच्या कार्यक्षमतेवरच बोट ठेवले आहेत. "जर आम्हाला खरोखरच परदेशातून देणग्या मिळत असतील आणि त्याचा या देशात चुकीचा वापर केला जात असेल, तर हे थेट गृहमंत्रालयाचेच सर्वात मोठे अपयश आहे." अभिजीत दीपके यांच्या या विधानामुळे आता आरोप-प्रत्यारोपांच्या फैरी झडत आहेत.