नवी दिल्ली : ईडीने सहारा इंडियाविरोधात कारवाईचा सपाटा सुरु केला आहे. ईडीने सहारा इंडियाविरोधात पुन्हा एकदा कारवाई सुरु केली आहे. ईडीने सहारा इंडिया, सुब्रतो रॉय कुटुंब आणि कंपनीच्या अधिकाऱ्याविरोधात कारवाई करत चार्जशीट दाखल केली आहे. ईडीने चार्जशीट कोलकोताच्या पीएमएलए कोर्टात दाखल केले. ईडीने सहारा इंडियावर १ लाख ७४ हजार कोटी रुपयांचा घोटाळ्याचा आरोप केला आहे.

चार्जशीटमध्ये आरोपात चांगला परतावा देण्याचं आमिष देऊन लोकांकडून कोट्यवधी रुपये घेतले. मात्र, त्यांनी लोकांना पैसे परत दिले नाहीत. या चार्जशीटमध्ये सुब्रतो रॉय यांची पत्नी सपना, मुलगा सुशांतो रॉय आणि जेपी वर्मा, अनिल अब्राहम आणि अन्य आरोपींचा समावेश आहे.

ईडीच्या माहितीनुसार, सुब्रतो रॉय यांचा मुलगा फरार आहे. त्याची चौकशी झालेली नाही. ईडीच्या विरोधात अजामीनपात्र वॉरंट जारी केलं आहे. सुब्रतो रॉय सहारा यांचं २००३ मध्ये वयाच्या ७५ वर्षी मृत्यू झाला.

मागील महिन्यात सहारा समूहाशी संबंधित ईडीने अनेक राज्यात छापेमारी केली आहे. उत्तर प्रदेशच्या गाझियाबाद, लखनौ, राजस्थानच्या श्रीगंगानगर आणि मुंबई येथील एकूण ९ ठिकाणी छापेमारी करण्यात आली. ईडीने कोर्टाच्या परवानगीनंतर छापेमारी करण्यात आली.

सहाराने छोट्या छोट्या गावात 'एजेंट नेटवर्क' उभं केलं. एजेंटने गावागावातील लोकांना विश्वासात घेऊन गुंतवणुकीतून अधिक नफा मिळवून देण्याचं आश्वासन केलं. गरीब आणि मध्यमवर्गीय मोठ्या प्रमाणात एजेंटच्या भूलथापांना बळी पडले. कोणी मुलीच्या लग्नासाठी, तर कोणी घर तयार करण्यासाठी आणि कोणी वृद्धापकाळासाठी साठवलेली जमापूंजी सहारा समूहात गुंतवणूक केली. कंपनीत हळूहळू गुंतवणुकीची रक्कम कोटींच्या घरात पोहोचली.