Nandurbar News: नंदूरबार जिल्ह्यात एक धक्कादायक घटना घडली आहे. फक्त १०० रुपये हरवले या कारणाने काकाने आपल्याच पुतण्यावर कुऱ्हाडीने वार केले आहेत. या हल्यात १९ वर्षीय तरुण गंभीर जखामी झाला आहे. सध्या त्याच्यावर रुग्णालयात उपचार सुरू आहेत. ( Latest Nandurbar News)

मिळालेल्या माहितीनुसार, कृष्णा नवलसिंग पवार असं पुतण्याचं नाव आहे. तर इसाराम हुपा बामणे असं त्याच्या चुलत काकाचे नाव आहे. काकाने कृष्णाला पाचशे रुपयांची नोट दिली आणि पैसे सुटे करून आणण्यासाठी पाठवले. यावेळी कृष्णाने गावातीलच कोणाकडून तरी पैसे सुटे करून आणले.

पैसे घरी घेऊन येत असताना कृष्णाच्या हातून चुकून एक १००ची नोट खाली पडली. आपली नोट पडल्याचे त्याला समजले नाही. घरी आल्यावर काकाला पैसे देताना पाहिले तेव्हा त्याच्याकडे १०० च्या फक्त ४ नोटा होत्या. यात एक नोट कमी असल्याने काकाने कृष्णाला विचारले तेव्हा एक नोट हरवली असे त्याने सांगितले.

पैसे हरवल्याच्या रागातून काका इसारामने कृष्णाच्या पाठीवर थेट कुऱ्हाडीने वार करून जिवे ठार मारण्याचा प्रयत्न केला कुऱ्हाडीचा घाव बसल्याने युवक गंभीर जखमी झाला आहे. या प्रकरणी रामा जोगी पवार यांनी दिलेला फिऱ्यादीवरून संशयित ईसाराम हुपा बामना यांच्या विरोधात तळोदा पोलीस ठाण्यात गुन्हा दाखल करण्यात आलेला आहे.