soldier on leave injures villagers while drunk driving : उपराजधानी नागपूरमधील रामटेकमध्ये भीषण अपघात झालाय. सुट्टीवर आलेल्या जवानाने दारूच्या नशेत कार चालवत ३० लोकांना कट मारला. नगरधन येथे रविवारी रात्री हा अपघात झाला. या अपघातानंतर संतप्त गावकऱ्यांनी पाठलाग करत त्याला चांगलाच चोप दिला. पोलिसांनी तात्काळ घटनास्थळी धाव घेतली. आरोपीला ताब्यात घेत रूग्णालयात दाखल कऱण्यात आले आहे. पोलिसांकडून गुन्हा दाखल करण्यात आला. हर्षपाल महादेव वाघमारे असे आरोपीचे नाव आहे.

हर्षपाल महादेव वाघमारे याचे रामटेक तालुक्यातील नगरधन येथे कारवरील नियंत्रण सुटले. त्याने २५ ते ३० लोकांना कट मारला. संबंधित व्यक्ती दारूच्या नशेत कार चालवत होता. त्यामुळे त्याने २५ ते ३० लोकांना कट मारली. संतप्त गावकऱ्यांनी पाठलाग करत त्याला चांगलाच चोप दिला. ही घटना रामटेक पोलीस स्टेशन अंतर्गत नगरधन येथे सायंकाळी ८.३० वाजताच्या सुमारास घडली.

हर्षपाल महादेव वाघमारे असे नाव असून, तो भारतीय सैन्य दलात आसाम येथे कार्यरत असल्याची माहिती आहे. तो चार दिवसांपूर्वी सुट्टीवर आला होता. त्याला दारूचे व्यसन असल्याचं सांगितलं जातं. नगरधनचा साई मंदिर, दुर्गा चौक मार्गे हमलापुरीकडे जात असताना कारवरील ताबा सुटला आणि बेदरकारपणे गाडी चालवत होता. कार नाल्यात जाऊन पलटी झाली. रामटेक पोलिसांनी मद्यधुंद अवस्थेतील तरुणाला ताब्यात घेतले. त्याला रुग्णालयात नेण्यात आले असून, पुढील तपास सुरू आहे.