सोलापूर : भारतरत्न डाॅ. बाबासाहेब आंबेडकर (dr babasaheb ambedkar) यांची गुरुवारी (ता.१४) जयंती आहे. डाॅ. आंबेडकर यांच्या जयंती (dr babasaheb ambedkar jayanti) निमित्त सोलापुरातील (solapur) विविध मंडळांनी तसेच उत्सव समितीने 'डॉल्बी' (ध्वनीक्षेपक यंत्रणा) (dolby sound system) वाजविण्यासाठी मागितलेली परवानगी पाेलिसांनी (solapur police) नाकारली आहे. (dr babasaheb ambedkar jayanti latest marathi news)

पोलीस आयुक्त हरीश बैजल यांच्या प्रमुख उपस्थितीत डॉ. बाबासाहेब आंबेडकर जयंती उत्सव समितीच्या पदाधिका-यांची आणि विविध मंडळांची आज बैठक झाली. या बैठकीत (meeting) बैजल यांनी उत्सव साजरा करताना डॉल्बी लावता येणार नाही असे स्पष्ट केले.

या निर्णयामुळे आंबेडकरी अनुयायांनी पोलीस (police) आयुक्तालयातच रोष व्यक्त करण्यास प्रारंभ केला. कार्यकर्त्यांनी हम सब एक है चा नारा दिला. डॉ. बाबासाहेब आंबेडकरांचा विजय असाे असे म्हणत कार्यकर्ते पोलीसांचे पुढचे भाषण सुरु हाेण्यापुर्वीच बैठकीतून बाहेर पडले. दरम्यान डॉल्बीच्या परवानगीसाठी उद्या (बुधवार) डॉ. बाबासाहेब आंबेडकर जयंती उत्सव समिती जिल्हाधिकारी कार्यालयासमोर आंदोलन करेल असे पदाधिकारी व कार्यकर्ते यांनी साम टीव्हीशी बाेलताना सांगितलं.

Edited By : Siddharth Latkar