Satara Covid-19 Update : सातारा जिल्हयात कोरोना बाधितांची संख्या दिवसेंदिवस वाढू लागली आहे. जिल्हा प्रशासनाने आज (शुक्रवार) दिलेल्या माहितीनूसार जिल्ह्यात आजमितीस 93 बाधित रुग्ण (satara coronavirus news) आहेत. दरम्यान काेराेनाच्या संसर्गातून बाहेर पडताच पालकमंत्री शंभूराज देसाईंनी बैठकांचा सपाटा लावला आहे. रुग्णांची संख्या पाहता नागरिकांनी घाबरुन जावू नये असे आवाहन राज्य उत्पादन शुल्क तथा पालकमंत्री शंभूराज देसाई (shambhuraj desai) यांनी केले आहे. (Maharashtra News)

सातारा जिल्हाधिकारी कार्यालयातील परिषद सभागृहात कोरोना संदर्भात नुकतीच पालकमंत्री देसाई यांनी आढावा बैठक घेतली. या बैठकीत विविध विभागांकडून उपाययाेजनेची माहिती पालकमंत्री देसाईंनी घेतली. शासकीय आरोग्य यंत्रणा औषधसाठयासह संपूर्णपणे सज्ज असून लक्षणे आढळल्यास नागरिकांनी स्वत: पुढे यावे असे आवाहन देसाईंनी केले.

या बैठकीला जिल्हाधिकारी रुचेश जयवंशी, मुख्य कार्यकारी अधिकारी ज्ञानेश्वर खिलारी, पोलीस अधीक्षक समिर शेख, निवासी उपजिल्हाधिकारी प्रशांत आवटे, जिल्हा शल्यचिकित्सक डॉ. सुभाष चव्हाण, जिल्हा आरोग्य अधिकारी डॉ. राजेश गायकवाड यांच्यासह आरोग्य विभागातील अधिकारी उपस्थित होते.

नागरिकांनी सार्वजनिक ठिकाणी वावरत असताना तोंडवर मास्क लावावा असे आवाहन पालकमंत्री देसाई यांनी केले. दरम्यान आज सातारा जिल्ह्यात 93 नागरिकांना काेराेनाची बाधा झाली आहे. 13 रुग्णांवर रुग्णालयात उपचार सुरु आहेत. जिल्ह्यात दरराेज बाधितांची टक्केवारी 13.22 असल्याचे प्रशासनाने कळविले आहे.

Edited By : Siddharth Latkar