मुंबई - महाराष्ट्र राज्य माध्यमिक आणि उच्च माध्यमिक शिक्षण मंडळाने इयत्ता बारावीचा निकाल जाहीर झाला आहे. दहावीप्रमाणेच बारावीचा निकालही भरघोस लागला आहे. दरवर्षीप्रमाणे यंदाच्या निकालातही मुलींनी बाजी मारली आहे. यावर्षी ९५.३५ टक्के मुली उत्तीर्ण झाल्या आहेत. तर उत्तीर्ण होणाऱ्या मुलांचं प्रमाण ९३.२९ टक्के आहे.

बारावीच्या नियमित विद्यार्थ्यांचा एकूण निकाल ९४.२२ टक्के इतका लागला आहे. राज्यातील नऊ विभागीय मंडळांमधून एकूण १४ लाख ४९ हजार ६६४ विद्यार्थ्यांनी बारावीच्या परीक्षेसाठी नोंदणी केली होती. यापैकी १३ लाख ५६ हजार ६०४ विद्यार्थी उत्तीर्ण झाले आहेत.

हे देखील पाहा -

राज्यातून सर्वाधिक निकाल हा कोकण विभागाचा लागला आहे. कोकण विभागाचा निकाल तब्बल 97.21 टक्के लागला आहे. तर सर्वात कमी निकाल हा मुंबई विभागाचा लागला आहे. मुंबई विभागाचा निकाल 90.91% टक्के लागला आहे. इतर विभागांचे निकाल पुढील प्रमाणे आहेत.

विभागानुसार निकालाची टक्केवारी

कोकण - 97.21%

नागपुर- 96.52%

अमरावती - 96.34 %

लातूर- 95.25%

कोल्हापूर - 95.07%

नाशिक - 95.03%

औरंगाबाद- 94.97%

पुणे- 93.61%

मुंबई- 90.91%