डोंबिवली : रिक्षा उभी करण्यावरून झालेल्या वादात रिक्षाचालकाच्या कुटूंबाने दोघा भावांना मारहाण केल्याची घटना डोंबिवलीत घडली आहे. मारहाणीचा व्हिडीओ समाज माध्यमावर व्हायरल झाला असून याप्रकरणी रिक्षाचालक सोनू उपाध्याय व त्याच्या पत्नी विरोधात विष्णूनगर पोलीस ठाण्यात गुन्हा दाखल करण्यात आला आहे.

हे देखील पहा :

जखमी तरुण सर्वेश दीक्षित (वय 23) याच्यावर शास्त्रीनगर रुग्णालयात उपचार सुरू आहेत. डोंबिवली पश्चिमेतील अशोक भुवन सोसायटीत सर्वेश राहण्यास असून तो एमआयडीसी तील एका कंपनीत कामास आहे. बुधवारी रात्री तो सोसायटीखाली सर्वेश हा भाऊ हर्ष याच्यासोबत उभा होता.

ड्रायव्हरने वडिलांची रिक्षा नीट पार्क केली का हे पाहण्यासाठी हर्ष गेला असता तेथे रिक्षाचालक सोनू हा आला. येथे रिक्षा का पार्क केली यावरून त्यांच्यात वाद झाला. वादाचे रूपांतर पुढे हाणामारीत झाले. सोनू व त्याच्या कुटूंबियांनी सर्वेशला लाकडी दांडक्याने मारहाण केली आहे.

Edited By : Krushnarav Sathe