Disha Salian Case Update : दिशा सालियनची हत्या की आत्महत्या या प्रकरणात नवा ट्विस्ट आलाय.. कारण दिशा सालियनच्या आई आणि वडिलांनी थेट उच्च न्यायालयात याचिका दाखल करत आदित्य ठाकरे, दिनो मोरिया, सुरज पांचोली यांच्यावर गंभीर आरोप केले आहेत.

सालियन कुटुंबियांच्या याचिकेत काय?

- 8 जून 2020 रोजी दिशा सालियानच्या मालाडच्या घरी पार्टी

- पार्टी सुरु असताना ठाकरे, सुरज पांचोली, दिनो मोरियाची अनपेक्षितपणे एण्ट्री

- दिशाचा सामुहिक बलात्कार

- प्रकरण दाबण्यासाठी दिशाची हत्या

- पोस्ट मॉर्टम रिपोर्टमधून शरीरावरील जखमांचा उल्लेख वगळण्यात आला

- फोरेन्सिक पुरावे नष्ट करण्यासाठी घाईघाईत अंत्यसंस्कार

- प्रकरण दाबण्यासाठी आदित्य ठाकरेंचे वरिष्ठ पोलीस अधिकाऱ्यांना अनेकदा फोन

- सुशांत सिंहच्या मृत्यूनंतर आदित्य ठाकरेंचे रिया चक्रवर्तीला 44 कॉल्स

- किशोरी पेडणेकरांनी आमची दिशाभूल करुन नजरकैदेत ठेवलं

या याचिकेनंतर सतीश सालियन यांच्या वकिलांनी आदित्य ठाकरेंच्या नार्को टेस्टची मागणी केलीय. तर पाच वर्षांनी पुन्हा चर्चेत आलेलं हे प्रकरण म्हणजे ठाकरे कुटुंब बदनाम करण्याचा राजकीय डाव असल्याचा आरोप राऊतांनी केलाय.

8 जून 2020 रोजी दिशा सालियनचा मृत्यू झाला... त्यानंतर 5 वर्षांनी हे प्रकरण पुन्हा तापलं आहे... मुळातच इतक्या वर्षांनंतर हे प्रकरण बाहेर का आलं...? दिशा सालियनच्या कुटुंबियांवर दबाव होता का? दिशा सालियनच्या मृत्यू प्रकरणी स्थापन केलेल्या एसआयटीचं काय झालं? की काही महिन्यांवर आलेल्या बिहार विधानसभा आणि मुंबई महापालिकेसाठी दिशा सालियन मृत्यू प्रकऱण तापवलं जातंय ? असे अनेक प्रश्न निर्माण झालेत.. त्यामुळे आता न्यायालयानंच या प्रकरणी सखोल चौकशीचे आदेश देऊन राजकारणाची होत असलेली दशा थांबवायला हवी. अन्यथा राजकारणाची दिशा भरकटल्याशिवाय राहणार नाही.