धुळे शहरातील देवपूर परिसरातील एल एम सरदार हायस्कूल समोर ट्रक व दुचाकीचा भीषण अपघात झाला असून या अपघातामध्ये दुचाकी चालकाचा ट्रक खाली चिरडून मृत्यू झाला आहे. परिसरातील संतप्त जमावाने ट्रकवर दगडफेक करून ट्रकच्या दोन्ही काचा फोडल्या असून घटनेची माहिती मिळताच देवपूर पोलिसांनी तात्काळ घटनास्थळी दाखल होत ट्रक चालकाला ताब्यात घेतले आहे.

ट्रक खाली चिरडून मृत्युमुखी पडलेला तरुण हा 18 ते 20 वयाचा असून वाहनावरून मृत्युमुखी पडलेल्या तरुणाची माहिती देवपूर पोलीस घेत असून, या अपघातानंतर परिसरात एकच खबाळ उडाली असून परिसरात मोठ्या प्रमाणात नागरिकांनी एकत्र येत गोंधळ घालण्याचा प्रयत्न केला, परंतु देवपूर पोलिसांनी जमाव पांगवण्याचा प्रयत्न केला असून सध्या तणावपूर्ण शांतता परिसरात बघावयास मिळत आहे.

धुळे शहरातील देवपूर परिसरातील अपघाताचा धक्कादायक सीसीटीव्ही फुटेज समोर आलं आहे. रस्ता क्रॉस करणारी महिला दुचाकीच्या अचानक समोर आल्याने दुचाकीचालकाचं नियंत्रण सुटल्याने हा अपघात झाला आहे. ट्रक खाली चिरडून युवकाचा जागीच मृत्यू झाला आहे.अंगाचा थरकाप उडवणारा अपघात सीसीटीव्ही कॅमेरात कैद झाला आहे.