धुळे : धुळे चाळीसगाव रोडवर एका हॉटेलजवळ बिना नंबर प्लेट असलेली दोन वाहन अंधारात उभे करून (Dhule News) दोन जण संशयास्पद उभे होते. याबाबत पोलिसांना माहिती मिळाली असता चौकशीअंती वाहने चोरीची असल्‍याचे समोर आले. यानंतर (Police) पोलिसांनी त्‍या चोरांना ताब्‍यात घेतले आहे. (Live Marathi News)

सूत्रांकडून स्थानिक गुन्हे अन्वेषण विभागाच्या पथकाला (Dhule LCB) मिळालेल्‍या माहितीच्या आधारे स्थानिक गुन्हे अन्वेषण विभागाच्या पथकाने संबंधित ठिकाणी जाऊन छापा टाकला. या छाप्या दरम्यान दोन पिकअप वाहने पोलिसांना आढळून आले. त्यापैकी एका वाहनावर नंबर प्लेट नसल्याचे देखील आढळून आले आहे. छापा टाकत असताना संबंधितांना संशय आल्याने दोघे जणांनी संबंधित ठिकाणावरून पळ काढण्याचा प्रयत्न केला. यापैकी एक जण पळून जाण्यात यशस्वी झाला असून त्याच्या दुसऱ्या साथीदाराच्या पोलिसांनी मुसक्या आवळल्या आहेत.

पसार झालेल्‍या चोरट्याचा शोध

दोघेही चोरटे मालेगाव येथील असल्याचे पोलीस तपासात निष्पन्न झाले असून, या चोरट्यांनी बनावट चावीच्या आधारे ही वाहने पळवली असल्याची माहिती उघडकीस आले. पसार झालेल्या चोरट्याचा देखील पोलीस शोध घेत आहेत.