धुळे : चोरट्यांनी आता शेतकऱ्यांच्या शेतात काढून ठेवलेल्या कापूस व सोयाबीन पिकावर देखील वक्रदृष्टी केली आहे. कापूस (Cotton) व सोयाबीन पिकांची शेतातूनच चोरी झाल्‍याने शेतकऱ्यांमध्ये (Farmer) भीतीचे वातावरण निर्माण झाले आहे. (Breaking Marathi News)

साक्री (Sakri) तालुक्यातील पिंपळनेर परिसरात असलेल्या शेणपूर फाटा शिवारात सुनील घरटे यांनी आपल्या शेतातून काढून ठेवलेला कापूस व सोयाबीनची (Soybean) चोरट्यांनी चोरी केल्याचे उघडकीस आले आहे. मध्यरात्रीच्या सुमारास चोरट्यांनी सुमारे दहा ते बारा क्विंटल कापूस व पाच ते सहा क्विंटल सोयाबीन चोरून पोबारा केल्याची घटना उघडकीस आली आहे.

लाखोचे नुकसान

मोठ्या कष्टाने घेतलेले पीक चोरट्यांनी चोरून नेल्याने शेतकऱ्याचे लाखोंची नुकसान झाले आहे. याबाबत साखरे पोलीस ठाण्यात तक्रार दाखल करण्यात आले असून पुढील तपास सागरी पोलीस करीत आहेत. परंतु चोरट्यांनी शेतातून काढून ठेवलेले पीक चोरून नेल्याने परिसरातील शेतकऱ्यांमध्ये भीतीचे वातावरण पसरले आहे.