धुळे : शहरामध्ये चोरीच्या घटनांमध्ये दिवसेंदिवस वाढ होताना दिसत आहे. आता तर चोरट्यांची मुजोरी इतकी वाढली आहे की चोरट्यांनी चक्क न्यायाधीशांच्या घरावरतीच डल्ला मारला आहे. (dhule-news-Theft-at-the-judge's-house-in-Dhule)

धुळे (Dhule) शहरातील शहर पोलीस (Police) ठाण्याच्या हद्दीमध्ये असलेल्या कोळवलेनगर परिसरातील भोलेबाबानगर येथील न्यायाधीशांसह त्यांचे कुटुंबीय काही कारणास्तव बाहेरगावी गेले होते. बंगल्यात कोणीही नसल्याची संधी साधत बंद बंगल्यामध्ये कुलूप व कडीकोंडा तोडून चोरट्यांनी घरात प्रवेश केला. रविवारी संध्याकाळच्या दरम्यान परिसरातील नागरिकांच्या ही बाब लक्षात आल्यानंतर त्यांनी पोलिसांना या संदर्भातील माहिती दिली.

परिवार अद्याप परतला नाही

पोलिसांना माहिती समजताच पोलीस अधिकारी व कर्मचारी घटनास्थळी दाखल झाले. त्या ठिकाणी घराचे कुलूप व कडी तुटलेल्या अवस्थेत पोलिसांना आढळून आली. तर घरातील सर्व सामान देखील अस्ताव्यस्त पडलेले आढळून आले. यासंदर्भात संबंधित कुटुंबीय घरी नसल्यामुळे घरातील कुठल्या वस्तू चोरी (Theft) गेल्या आहेत. या संदर्भात माहिती कळू शकलेली नाही. परंतु पोलिस प्रशासनातर्फे सर्वत्र तपास यंत्रणांच्या आधारे चोरट्यांचा शोध घेण सुरू केल आहे. परंतु एका न्यायाधीशांच्या घरीच चोरट्यांनी डल्ला मारल्यामुळे परिसरात एकच खळबळ उडाली आहे.