धुळे : गुजरात येथील दादरानगर हवेली लोकसभा पोटनिवडणूकीत शिवसेनेने दणदणीत विजय मिळविला. गुजरातमध्‍ये मिळालेल्या विजयाचे फटाके धुळ्यात फुटले अन्‌ शिवसैनिकांनी जल्‍लोष केला.

महाराष्ट्र राज्याबाहेर शिवसेनेचा पहिल्यांदाच लोकसभा निवडणुकीमध्ये उमेदवार विजय झाला असून गुजरात राज्यातील दादरानगर हवेली येथे झालेल्या लोकसभा पोटनिवडणुकीमध्ये शिवसेनेचा ऐतिहासिक विजय झाला आहे. गुजरात राज्यामध्ये शिवसेनेच्या ऐतिहासिक विजयाचे फटाके धुळ्यात फूटताना दिसून आले. शिवसेनेच्या या ऐतिहासिक विजयाचा जल्लोष धुळ्यातील शिवसैनिकांनी फटाके फोडून साजरा केला आहे.

महाराष्‍ट्राबाहेरील शिवसेनेच्‍या पहिल्‍या खासदार

महाराष्ट्राबाहेर शिवसेनेचा भगवा फडकवणारे शिवसेनेच्या पहिल्या खासदार कलाबेन डेलकर यांचे अभिनंदन करतांना धुळ्यातील शिवसैनिकांतर्फे जय भवानी जय शिवाजी जयघोष करत व फटाके फोडत ऐतिहासिक विजयोत्सव साजरा करण्यात आला आहे. त्याच बरोबर देगलूर विधानसभा पोट निवडणुकीत महाआघाडीचे काँग्रेस पक्षाचे उमेदवार जितेश अंतापूरकर यांच्या विजयाबद्दल शिवसेना महानगर धुळेतर्फे अभिनंदन करण्यात आले. यावेळी विजयी जल्लोष साजरा करण्यासाठी मोठ्या संख्येने शिवसैनिक जमले असल्याचे बघावयास मिळाले.