Shirpur News Dog Bite Saam tv
महाराष्ट्र

Shirpur News: पिसाळलेल्या कुत्र्याचा चावा; तरूणाचा मृत्‍यू, बालकाची प्रकृती गंभीर

पिसाळलेल्या कुत्र्याचा चावा; तरूणाचा मृत्‍यू, बालकाची प्रकृती गंभीर

साम टिव्ही ब्युरो

शिरपूर (धुळे) : पिसाळलेल्या कुत्र्याने चावा घेतलेल्या युवकाचा मंगळवारी मृत्यू झाला. ग्यारसीलाल ताराचंद पावरा (वय 24) असे मृताचे नाव असून तो हिंगोणीपाडा (ता.शिरपूर) येथील रहिवासी आहे. त्याच गावात श्वानदंश झालेल्या सुशील सखाराम पावरा (वय 10) या बालकाची प्रकृतीही गंभीर असून त्याला धुळे येथे रवाना करण्यात आले. (Maharashtra News)

ग्यारसीलाल व सुशील या दोघांनाही सुमारे महिनाभरापूर्वी गावातील पिसाळलेल्या कुत्र्याने चावा घेतला होता. त्यानंतर दोघांना धुळे येथे नेऊन शासकीय रुग्णालयातून (Dhule News) अँटी रेबीज लस देण्यात आली. उपचार घेऊन ते गावी परतले. मात्र त्यांच्या नातलगांच्या म्हणण्यानुसार उपचार घेतल्यानंतरही ग्यारसीलाल पूर्ववत होऊ शकला नव्हता. तो घरात पडून होता. तीन दिवसांपासून त्याला झटके येणे, बेशुद्ध पडणे अशी लक्षणे जाणवत होती.

रस्‍त्‍यातच झाला मृत्‍यू

मंगळवारी त्याची अवस्था गंभीर झाल्याने नातलग (Shirpur) शिरपूरला घेऊन येत होते. मात्र रस्‍त्‍यातच त्याचा मृत्‍यू झाला. नातलगांनी त्याला उपजिल्हा रुग्णालयाऐवजी खाजगी रुग्णालयात नेले. तेथील डॉक्टरने त्याचा मृत्यू झाल्याचे जाहीर केल्यानंतर मृतदेह घेऊन ते गावी निघून गेले. ग्यारसीलालच्या मृतदेहाची परस्पर नेऊन विल्हेवाट लावल्यामुळे शवविच्छेदन होऊ शकले नाही. त्यामुळे त्याच्या मृत्यूचे कारण समजण्यास अनेक अडचणी आहेत.

बालकावर उपचार सुरू

सुशील पावरा या बालकालाही काही दिवसांपासून त्रास होत असल्याने रुग्णालयात दाखल केले होते. प्रकृती गंभीर झाल्याने त्याला मंगळवारी धुळे येथे रवाना करण्यात आले. ग्यारसीलाल व सुशील यांना चावा घेणार्‍या श्वानाने त्याच रात्री गावातील एका म्हशीलाही चावा घेतला होता. तिचाही मृत्यू झाल्याची माहिती मिळाली आहे. श्वानदंशाने मृत्यू होण्याची तालुक्यातील ही पहिलीच घटना आहे.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Maharashtra Live News Update: मालेगाव बॉम्बस्फोटाचा आज निकाल, स्व. हेमंत करकरे यांच्या आठवणी ताज्या

Mugachi Khichdi Recipe: मऊ, लुसलुशीत मुगाची खिचडी कशी बनवाल?

Ulhasnagar: घराबाहेर पडला अन् टेरेसवर जाऊन स्वत:ला पेटवून घेतलं; उल्हासनगरमध्ये खळबळ

Tuljabhavani Temple : तुळजाभवानी देवीचं मुख्य गाभाऱ्यातील दर्शन १० दिवस बंद राहणार! | VIDEO

Bank Jobs: बँक ऑफ बडोदामध्ये नोकरीची सुवर्णसंधी; ३३० पदांसाठी भरती सुरु; अर्ज कुठे अन् कसा करावा?

SCROLL FOR NEXT