धुळे : जिल्ह्यातील साक्री नगरपंचायतीच्या दुसऱ्या टप्प्यातील मतदानाला आज सुरुवात झाली आहे. नगरपंचायतीच्‍या ६, १२, १४ व १७ या चार प्रभागांसाठी होत असलेल्या या मतदान प्रक्रियेत प्रशासनातर्फे सात मतदान (Election) केंद्र सज्ज करण्यात आले आहेत. (dhule news sakri nagar panchayat election start in four wards)

साक्री (Sakri) नगरपंचायतीच्‍या चार प्रभागांसाठी शिवसेना, राष्ट्रवादी (NCP) यांच्यात आघाडी तर काँग्रेस व भाजप (BJP) असे एकूण जवळपास चौदा उमेदवार निवडणुकीच्या रिंगणात उभे आहेत. तर ४ हजार २३३ मतदार आज मतदानाचा हक्क बजावत आहेत. आज होणाऱ्या निवडणुकीमध्ये तिरंगी लढत बघावयास मिळत आहे.

उद्या मतमोजणी

साक्री नगरपंचायतीत २१ डिसेंबरला झालेल्या १३ प्रभागांच्या मतदानाचे तसेच आज होत असलेल्या चार प्रभागांच्या असे एकूण १७ प्रभागांच्या मतदाना संदर्भातील मतमोजणी ही उद्या होणार आहे.