धुळे : शाळेसमोर पडलेल्या खड्ड्यांमुळे त्रासलेल्या चिमुकल्या विद्यार्थ्यांनी (Student) खड्ड्यांच्या भोवती रांगोळी काढून पालिका प्रशासनाचा निषेध केला आहे. (Dhule Corporation News)

धुळे (Dhule) शहरातील कमलाबाई कन्या हायस्कूल समोरून जाणारा रस्त्याची अत्यंत दुरवस्था झालेली आहे. या ठिकाणी सिव्हील हॉस्पिटलकडून (Hospital) येणाऱ्या दुर्गंधीयुक्त गटारीच्या पाण्याचे योग्य नियोजन (Dhule Corporation) पालिका प्रशासनातर्फे केले जात नसल्यामुळे हे पाणी रस्त्यावरतीच तुंबलेले असते. या दुर्गंधीयुक्त गटारीच्या पाण्यातून या चिमुकल्या मुलींना ये-जा करावी लागत असते. त्यामुळे बहुतांश विद्यार्थ्यांचे आरोग्य देखील धोक्यात आले आहे.

दुरूस्‍तीसाठी केली होती मागणी

या नेहमीच साचत असलेल्या गटारीच्या पाण्यामुळे कमलाबाई कन्या हायस्कूल पासून ते जुने कलेक्टर ऑफिसपर्यंतचा संपूर्ण रस्ता खड्डेमय झालेला आहे. या खड्ड्यामुळे रस्त्यांमधून प्रवास करताना देखील या चिमुकल्या विद्यार्थिनींना आपला जीव मुठीत धरून प्रवास करावा लागतो. या संदर्भातील विनंती यापूर्वी देखील शिवसेनेच्यावतीने धुळे महापालिका आयुक्तांना करण्यात आली होती. परंतु पालिका प्रशासनातर्फे याकडे दुर्लक्ष केले जात असल्याने पालिका प्रशासनाचा निषेध करण्यासाठी शिवसेनेच्यावतीने या चिमुकल्या विद्यार्थिनींनी खड्ड्याच्या भोवती रांगोळी काढून अनोख्या पद्धतीने निषेध केला आहे.