धुळे : शिवसेना उद्धव बाळासाहेब ठाकरे गटातर्फे तिकीट न मिळाल्याने धुळे शहराचे उद्धव बाळासाहेब ठाकरे शिवसेना जिल्हाप्रमुख सुशील महाजन बंडखोरीच्या तयारीत असल्याची आहेत. सोमवारी ते विधानसभा निवडणुकीसाठी अपक्ष उमेदवारी अर्ज दाखल करण्याची घोषणा त्यांनी आज केली आहे. 

विधानसभा निवडणुकीची (Vidhan Sabha Election) जोरदार तयारी सुरु आहे. राजकीय पक्ष उमेदवार निश्चित करण्यात लागले आहे. आता बहुतांश ठिकाणी उमेदवारी निश्चित करण्यात आलेली आहे. यासोबतच नाराजीनाट्य देखील समोर येत आहेत. अशाच प्रकारे (Dhule) धुळ्यात ठाकरे गटात नाराजी उफाळून आली आहे. उद्धव बाळासाहेब ठाकरे शिवसेनेत अनेक कार्यकर्त्यांनी निवडणूक लढवण्याची इच्छा व्यक्त केली होती. पण माजी आमदार अनिल गोटे यांनी पक्ष प्रवेश केल्यानंतर त्यांना उमेदवारी देण्यात आली आहे. यामुळे ठाकरे गटात नाराजी पसरली आहे. 

अनिल गोटे यांनी मातोश्रीवर उद्धव बाळासाहेब ठाकरे पक्षात प्रवेश करुन एबी फॉर्म मिळवला. त्यामुळे माझ्यासह अनेक कार्यकर्त्यांमध्ये असंतोष निर्माण झाल्याची भावना जिल्हा प्रमुख सुशील महाजन यांनी व्यक्त केली आहे. हे लक्षात घेऊन आपण अपक्ष उमेदवारी करण्याचा निर्णय घेतला असल्याने देखिल महाजन यांनी स्पष्ट केले आहे. माजी आमदार अनिल गोटे यांना उमेदवारी जाहीर केल्याने डॉ. सुशील महाजन हे नाराज असल्याची भावना त्यांनी व्यक्त केली आहे.