धुळे : हवामान विभागातर्फे धुळे जिल्‍ह्यात ऑरेंज अलर्ट जारी करण्यात आला आहे. त्‍यानुसार धुळे शहर व परिसरात पावसाला सुरुवात झाली आहे. (dhule-news-gulab-cyclone-orange-alert-in-dhule-district-rain-start)

गुलाब वादळाचा तळाखा राज्‍याच्‍या किनारपट्टीला बसत आहे. या वादळामुळे राज्‍यातील अनेक भागात रेड अलर्ट तर काही भगात ऑरेंज अलर्ट जारी केला आहे. यानुसार मुंबई येथील कुलाबा प्रादेशिक हवामानशास्त्र केंद्राने दिलेल्या सूचनेनुसार धुळे जिल्ह्यात 28 सप्टेंबरला काही ठिकाणी विजेच्या कडकडाटासह पाऊस पडण्याची शक्यता वर्तविली होती.

दुपारनंतर जोरदार पाऊस

धुळ्यामध्ये ऑरेंज अलर्ट जारी करण्यात आल्यानंतर आज सकाळपासूनच ढगाळ वातावरण होते. परंतु अचानक पावसाला सुरुवात झाली आहे. हवामान विभागातर्फे धुळे जिल्ह्यातील विविध ठिकाणी मुसळधार पाऊस होण्याची शक्यता वर्तविण्यात आली होती. त्यानुसार धुळे जिल्ह्यातील विविध ठिकाणी दुपारनंतर जोरदार पावसाला सुरुवात झाल्याचे दिसून येत आहे.