धुळे : धुळे जिल्ह्यातील १२८ ग्रामपंचायतींच्या निवडणुकांची (Election News) रणधुमाळी सुरू आहे. यात आज प्रचाराचा अखेरचा दिवस असल्यामुळे उमेदवारांतर्फे प्रत्येक मतदाराच्या दारापर्यंत पोहोचून आज प्रचार केला जात आहे. (Breaking Marathi News)

धुळे (Dhule News) जिल्ह्यात १२८ ग्रामपंचायतींपैकी आठ ग्रामपंचायती बिनविरोध झाल्यामुळे आता १२० ग्रामपंचायतींसाठी (Gram Panchayat) निवडणूक प्रक्रिया पार पाडणार आहे. आज प्रचाराचा शेवटचा दिवस असल्यामुळे संध्याकाळपर्यंत प्रचाराच्या तोफा थंडावणार आहेत. त्यामुळेच सर्वच उमेदवारांतर्फे आज प्रचाराचा धुरळा उडविला जात आहे.

रविवारी मतदान

येत्‍या रविवारी अर्थात १८ डिसेंबरला या १२० ग्रामपंचायतींच्या सरपंच व सदस्य पदासाठी मतदान प्रक्रिया पार पडणार आहे. २० डिसेंबरला मतदान प्रक्रिया पार पडलेल्या ग्रामपंचायतिची मतमोजणी करून निकाल जाहीर करण्यात येणार आहे.