पिंपळनेर (धुळे) : येथील वन विभागाच्या पथकाने उमरपाटा ते मोहुबन खोपसा गावाजवळ (ता. साक्री) सापळा रचत सागवान लाकडाची तस्करी रोखली. अंधाराचा फायदा घेत गाडी सोडून संशयित फरारी झाले. वाहनासह एक लाख ५६ हजारांचा पाचशे रुपये किंमतीचा सागाचा मुद्देमाल जप्त केला. (dhule news forest department Teak wood seized with car)

पिंपळनेर येथील वनाधिकारी यांना मिळालेल्या गुप्त माहितीनुसार शासकीय वाहनाने प्रोसेसिंग करताना सोमवारी (ता.११) रात्री साडेसात ते साडेदहा वाजेच्या दरम्यान पिंपळनेर वन विभागाचे (Forest Department) वनाधिकारी अरुण माळके, वनपाल एम. एन. बच्छाव, वनरक्षक भूषण वाघ, ए. पी. पवार, योगेश पवार, गुलाब बहिरम, देविदास देसाई, सागर सूर्यवंशी, के. एस. पवार, नाना विभांडीक, दिनेश घुगे, आदी उमरपाटा ते मोहुबन खोपसा गावाजवळ (ता. साक्री) रस्त्यावर प्राप्त गुप्त माहितीवरून पथकाने सापळा रचला.

दीड लाखाच मुद्देमाल जप्‍त

यावेळी इंडिगो कंपनीची जुने वाहन (एमएच १२ बीडब्ल्यू ४५४५) वरून सागाच्या चौकट घेऊन तस्कर येताना दिसले. पथकाने (Dhule News) त्यांना आवाज देऊन रस्त्यावर अटकाव करत असताना वाहन चालक वाहन व सागवानी लाकूड सोडून अंधाराचा फायदा घेत पसार झाले. वन विभागाने सागवानी चौकटीचे १.२९१ घनमीटर सागवानी नग व इंडिगो वाहन जप्त केली. सागवानी चौकट अंदाजे किंमत सहा हजार पाचशे रुपये व एक जुने चारचाकी अंदाजे किंमत एक लाख पन्नास हजार रुपये, असा एकूण एक लाख छप्पन्न हजार पाचशे रुपये किमतीचा मुद्देमाल पंचनामा करत पिंपळनेर वन विभागाने जप्त करून पिंपळनेर डेपोत जमा केला आहे.