धुळे : लोकसभा निवडणुकीच्या पार्श्वभूमीवर सर्वच पक्षांतर्फे लोकसभा काबीज करण्यासाठी प्रयत्न सुरू आहेत. (Dhule) या अनुषंगाने भाजपतर्फे लोकसभा निवडणुकीसाठी उमेदवारी जाहीर करण्यात आला आहे. मात्र महाविकास आघाडीकडून (Mahavikas Aaghadi) अद्याप उमेदवार जाहीर करण्यात आला नसल्याने पक्षातील कार्यकर्त्यांमध्ये संभ्रमाची अवस्था निर्माण झाली असल्याचे बघावयास मिळत आहे. (Latest Marathi News)

लोकसभा निवडणुकीची (Lok Sabha Election) रणधुमाळी सर्वत्र सुरु आहे. सर्वच राजकीय पक्षांकडून जोरदार तयारी सुरु असून मतदार संघात चाचपणी करत उमेदवारांची नवे जाहीर करत आहेत. त्यानुसार धुळे लोकसभा मतदार संघाकरिता (BJP) भाजपकडून उमेदवार जाहीर करण्यात आला आहे. तर दुसरीकडे वंचित बहुजन आघाडीतर्फे देखील धुळे लोकसभा काबीज करण्यासाठी उमेदवाराची घोषणा करण्यात आली आहे. मात्र महाविकास आघाडीसमोर अजून देखील उमेदवारीचा पेच कायम असल्याचे पाहण्यास मिळत आहे. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

उमेदवारी कोणाला?

महाविकास आघाडीच्यावतीने अद्यापही उमेदवार जाहीर करण्यात आला नसल्यामुळे महाविकास आघाडीच्या सर्वच घटक पक्षातील कार्यकर्त्यांमध्ये संभ्रमाची अवस्था निर्माण झाली असल्याचे बघावयास मिळत आहे. अखेर महाविकास आघाडीतर्फे कुठल्या घटक पक्षाला धुळे लोकसभा निवडणूक लढण्याची संधी मिळणार आणि उमेदवारी कोणाला जाहीर होणार याकडे जाता राजकीय वर्तुळाचे लक्ष लागून राहिल आहे.