धुळे : साक्री तालुक्यातील शिवपाडा परिसरात चिंतामण मालचे या इसमाच्या शेतामध्ये लाखो रुपयांचा दारुसाठा लपवून ठेवण्यात आला होता. हा दारूचा साठा पोलिसांनी (Police) जप्‍त केला आहे. (dhule news Eight lakh liquor stocks hidden in fields confiscated)

शेतात दारूचा साठा असल्याची खात्रीलायक माहिती सूत्रांमार्फत (Dhule News) स्थानिक गुन्हे अन्वेषण विभागाच्या अधिकाऱ्यांना मिळाली होती. या अनुषंगाने संबंधित ठिकाणी स्थानिक गुन्हे अन्वेषण विभागाच्या पथकाने छापा टाकला. मात्र, पोलीस येत असल्याची भनक संबंधिताला लागल्यानंतर शेजारीच असलेल्या झाडाझुडपांचा आधार घेत चिंतामण मालचे हा पोलिसांना चकवा देत पसार होण्यात यशस्वी झाला.

चार जणांविरूद्ध गुन्‍हा

शेतात लपवून ठेवलेल्या कांद्याच्या ढिगाऱ्याखाली ताडपत्रीच्या आवरणाखाली लाखो रुपयांचा दारूसाठा पोलिसांना आढळून आला आहे. या अनुषंगाने चार जणांविरोधात गुन्हा दाखल करण्यात आला असून या कारवाईत जवळपास 8 लाख 81 हजार चाळीस रुपयांचा मद्यसाठा पोलिसांनी जप्त केला आहे.