धुळे : देशात कोरोना संक्रमण वाढण्यास महाराष्ट्र काँग्रेस जबाबदार असल्याचा गंभीर आरोप प्रधानमंत्री नरेंद्र मोदी यांनी लोकसभेत बोलताना केला होता. प्रधानमंत्रीच्या या वक्तव्यानंतर काँग्रेस नेते आक्रमक झाले असून आज धुळ्यात (Dhule) कॉंग्रेसतर्फे आंदोलन करण्यात आले. (dhule news Congress agitation in Dhule saying shame on Narendra Modi)

पंतप्रधान नरेंद्र मोदी (Narendra Modi) यांनी कॉंग्रेसबद्दल केलेल्‍या विधानाच्‍या विरोधात धुळ्यातील जुनी महानगरपालिका समोर काँग्रेसचे माजी मंत्री रोहिदास पाटील तसेच धुळे ग्रामीणचे आमदार कुणाल पाटील (Kunal Patil) यांच्या नेतृत्वाखाली जोरदार निदर्शने करण्यात आली.

कॉंग्रेसने केलीय मदत

महाराष्ट्राने देशाला अनेक वर्षे दिशा दाखवली आहे. देशातील प्रत्येक राज्याला महाराष्ट्राने आपल्या परीने मदत केली आहे. तसेच मदत कोरोना (Corona) काळात देखील महाराष्ट्र काँग्रेसने (Congress) नागरिकांना आपल्या घरापर्यंत पोहोचण्यासाठी मदत केली आहे. मात्र नरेंद्र मोदी यांची लोकसभेत बोलताना जीभ घसरली व त्यांनी महाराष्ट्रा काँग्रेसमुळे कोरोनाचा प्रसार झाला; असे चुकीचे विधान केले. त्यामुळे आम्ही त्यांच्या विरोधात आंदोलन करीत आहोत अशी प्रतिक्रिया माजी आमदार शरद पाटील यांनी दिली.