धुळे : नवरात्रोत्सव उद्यापासून सुरु होत आहे. यामुळे घरात घटस्थापना करण्यापूर्वी पुर्वी घरातील कानबाई मातेला तापी नदीत अंघोळ घातली जाते. त्यानुसार देवीला अंघोळीसाठी घेऊन गेलेल्या बहिण भावाचा पाण्यात बुडून मृत्यू झाल्याची दुर्दैवी घटना शिंदखेडा तालुक्यातील सोनेवाडी या गावात घडली.  

वैष्णवी पाटील (वय १७) आणि उत्कर्ष पाटील (वय १३) असे नदीत बुडून मृत झालेल्या भावा बहिणींचे नाव आहे. शिंदखेडा तालुक्यातील सोनेवाडी गावातील सुरेश अंकुश पाटील व रमेश अंकुश पाटील या दोन्ही भावांचा परिवार घरात घटस्थापना करत असतात. घटस्थापनेपूर्वी ते घरातील कानबाई मातेचे आंघोळीसाठी तापी नदी काठावर गेले होते. यावेळी सुरेश पाटील आणि रमेश पाटील या दोन्ही भाऊंचे कुटूंबातील सदस्य येथे असतांना सुरेश पाटील यांची मोठी मुलगी वैष्णवी पाटील आणि रमेश पाटील यांचा मोठा मुलगा उत्कर्ष पाटील हे दोन्ही तापी नदी काठावर पाण्यात उतरले.  

दोघे बहीण- भाऊ पाण्यात उतरले असता त्यांना पाण्याचा अंदाज न आल्याने वैष्णवी आणि उत्कर्ष गे दोघेही पाण्यात बुडाले. यावेळी त्यांच्या सोबत असलेले त्यांच्या वडिलांना देखील वाचविता आले नाही. घटनेची माहिती मिळताच घटनास्थळी नागरिकांनी धाव घेतली. यावेळी दोघांचा शोध कार्य सुरु केले असता घटनेच्या एक तासानंतर उत्कर्ष आणि वैष्णवी या दोघांचा तापी नदीपात्रात मृतदेह मिळून आला आहे. दरम्यान दोघांच्या मृत्यूने कुटुंबीयांनी एकच आक्रोश केला.