धुळे : धुळे तसेच परिसरात मागील काही दिवसात घरफोडी झाल्याच्या घटना घडल्या आहेत. याचा तपास करताना (Police) पोलिसांनी घराफोडी करणाऱ्या टोळीतील विधी संघर्षित (Dhule) बालकाला मुद्देमालासह ताब्यात घेतले आहे. त्याने गुन्ह्याची कबुली देखील दिली आहे. (Maharashtra News)

धुळ्याच्या मोहाडी पोलीस ठाण्याच्या अंतर्गत असलेल्या गरताड बारी परिसरात संशयास्पद इसम असल्यासंदर्भात माहिती मिळाली होती. या माहितीच्या आधारे (Dhule Police) स्थानिक गुन्हे अन्वेषण विभागाच्या पथकाने संबंधित ठिकाणी छापा टाकला. त्या ठिकाणी असलेले चार इसम हे त्या ठिकाणाहून पळून जाण्यात यशस्वी झाले. मात्र येथे एक विधी संघर्शीत बालक हा पोलिसांना आढळून आला आहे. त्या विधी संघर्शीत बालकाला पोलिसांनी ताब्यात घेतले.  

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

१ लाख ३४ हजाराचा मुद्देमाल जप्त 

पोलिसांनी त्याची चौकशी केली असता त्याने जवळपास दहा घरफोडी केलेल्या गुन्ह्याची कबुली दिली आहे. त्यातील काही घरफोड्या या इतर जिल्ह्यातील असल्याचे या तपासातून निष्पन्न झाले आहे. त्या ठिकाणाहून पोलिसांनी काही संशयास्पद वस्तू देखील ताब्यात घेतल्या असून, जवळपास एक लाख ३४ हजार रुपयांचा मुद्देमाल पोलिसांनी हस्तगत केला आहे.