धुळे : धुळे लोकसभा मतदार संघातून काँग्रेसने बाहेरचा उमेदवार दिल्याने काँग्रेसचे नाराज जिल्हाध्यक्ष शामकांत सनेर यांनी (dhule) आज महाविकास आघाडीच्या बैठकीकडे पाठ फिरवली आहे. तर दुसरीकडे महाविकास आघाडीच्या बैठकीत लावण्यात आलेल्या बॅनरवर काँग्रेस (Congress) जिल्ह्याध्यक्ष सोनेरी यांचा फोटो लावण्यात आलेला नाही. अर्थात काँग्रेसमध्ये असलेले नाराजीनाट्य अजूनही सुरूच असल्याचे पाहण्यास मिळत आहे. (Latest Marathi News)

धुळे लोकसभा काँग्रेसच्या उमेदवार शोभा बच्छाव यांच्या प्रचारार्थ आज (Mahavikas Aaghadi) महाविकास आघाडीच्या सर्व घटक पक्षांची बैठक बोलाविण्यात आली होती. या बैठकीदरम्यान महाविकास आघाडीतील सर्वच घटक पक्षाचे पदाधिकारी कार्यकर्ते उपस्थित होते. यावेळी काँग्रेसचे आमदार कुणाल पाटील (Kunal Patil) त्याचबरोबर उमेदवार शोभा बच्छाव यांच्यासह शिवसेना उबाठा गटाच्या उपनेत्या शुभांगी पाटील यांची प्रमुख उपस्थिती बघायला मिळाली आहे. यावेळी महाविकास आघाडीतील काँग्रेसच्या उमेदवार शोभा बच्छाव यांना जिंकून आणण्यासाठी सर्व स्तरावर प्रयत्न करून मतदारांपर्यंत पोहोचण्याचे आवाहन यावेळी या बैठकीमध्ये करण्यात आले आहे.

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

धुळे लोकसभा मतदारसंघातील सर्व सहा विधानसभा मतदार संघाचे पदाधिकारी व कार्यकर्ते या बैठकीसाठी उपस्थित असल्याचे बघावयास मिळाले आहे. मात्र या बैठकीला शोभा बच्छाव यांना उमेदवारी दिल्यानंतर नाराज झालेले धुळे काँग्रेसचे जिल्हाध्यक्ष श्याम सनेर यांनी पाठ फिरवली आहे. तर दुसरीकडे बैठकीदरम्यान लावण्यात आलेल्या बॅनरवर महाविकास आघाडीच्या प्रमुख पदाधिकाऱ्यांचे फोटो आहेत. परंतु या बॅनरवर देखील शाम सनेर यांचा फोटो डावलण्यात आल्याचे पाहण्यास मिळाले.