दोंडाईचा (धुळे) : घराला कुलूप लावून सर्व मंडळी अहमदनगरला गेले होते. या दरम्यान घर बंद असल्याचा (Dondaicha) फायदा घेत दरवाजा तोडून चोरट्यांनी सुमारे सव्वाचार लाख रुपयांच्या सोन्या-चांदीच्या दागिने चोरून नेले आहेत. वर्दळीच्या रस्त्यावरील घरातील (Theft) चोरीमुळे शहरवासीयांमध्ये भीती निर्माण झाली आहे. (Latest Marathi News)

दोंडाईचा शहरातील अंजुम टाकीसमोर हि घटना घडली आहे. ३० ऑक्टोम्बरच्या रात्री दहानंतर ही चोरी झाली असून किशोर रामचंद्र गारुंगे यांच्या घरातील (Dhule News) दरवाजाचा कडीकोयंडा काढून चोरटे आत शिरले. बेडरूममधील कपाटाचे लॉकर तोडून सोन्या-चांदीच्या दागिन्यांची चोरी केली. यात (Gold) सोन्याची साखळी, अंगठ्या, बांगड्या, मंगळसूत्र, तीन हजारांची रोकड असा चार लाख २२ हजार रुपयांचा मुद्देमाल चोरट्याने लंपास केला आहे.

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

दुसऱ्या दिवशी सकाळी सातच्या सुमारास शेजारी राहणाऱ्या महिलेच्या हा प्रकार लक्षात आला. घरमालक आजारी असल्यामुळे आठ दिवसांपासून अहमदनगर येथे गेले होते. बंद घर असल्याचा डाव चोरट्याने साधला. घरमालकाचे भाऊ सुभाष रामचंद्र गारुंगे यांनी पोलिसांत फिर्याद दिली. चोरट्यांविरोधात गुन्हा दाखल झाला आहे. श्वानपथक, ठसेतज्ज्ञ सहाय्यक पोलिस निरीक्षक व्ही. एम. खरात, धनंजय मोरे, मनोज ब्राह्मणे, प्रकाश भावसार यांनी घटनास्थळी भेट देऊन पाहणी केली.