>> भूषण अहिरे

धुळे : धुळे जिल्ह्यातील शिरपूर येथे तापी नदी पुलावर अपघातानंतर ट्रक थेट नदीपात्रात कोसळला आहे. 12 तास उलटून गेले असले तरीही ट्रकचा अद्याप सापडलेला नाही. मात्र बुडालेल्या ट्रक संदर्भात महत्त्वपूर्ण कागदपत्र पोलिसांच्या हाती लागले आहेत.

कागदपत्रांमधील माहितीनुसार, ट्रकचालकाचं नाव दीपक कुमार (वय 40) असून तो राजस्थानच्या कोटा येथील आहे. ट्रक चालकाचं ड्रायव्हिंग लायसन्स पोलिसांच्या हाती लागलं आहे.  (Breaking Marathi News)

शिरपूर सावर्दे पुलावर सोमवारी रात्री क्रुझर आणि ट्रकमध्ये भीषण अपघात झाला होता. या अपघातात 20 ते 25 जखमी झाले आहेत. त्यापैकी किरकोळ जखमी असलेल्यांना प्राथमिक उपचार करून सोडण्यात आले असून अद्यापही चार जण जखमी असून त्यांच्यावर शासकीय रुग्णालयात उपचार सुरू आहेत.

अपघातानंतर पुलाचा कठडा तोडून ट्रक नदीपात्रात कोसळला. बुडालेला ट्रक अद्यापही नदीपात्रातच आहे.यामध्ये ट्रक चालकासह आणखी किती जण आहेत याचा अद्यापही अंदाज लागू शकलेला नाही.