बालाजी सुरवसे 

धाराशिव : केवळ आकडेवारी न पाहता शेतकऱ्यांच्या प्रत्यक्ष बांधावर जाऊन पीक परिस्थिती पाहून जिल्ह्यातील सर्व शेतकऱ्यांचा (farmer) अग्रिम पिक विमा रकमेसाठी समावेश करावा; अशी मागणी करत पिक विमा कंपनीची (Crop Insurance) अन् सरकारची धोरण लुडो आणि सापसिडीच्या खेळासारखे असल्याची टीका ठाकरे गटाचे आमदार कैलास पाटील यांनी केली आहे. (Latest Marathi News)

धाराशिव जिल्ह्यात पावसाने पाठ फिरवली आहे. शेतीतील पिकांची अवस्था दिवसेंदिवस वाईट होत आहे. याच अनुषंगाने पीक विम्याच्या अग्रिम रकमेसाठी प्रशासनाकडून पंचनामे करण्यात येत आहेत. मात्र नुकसान होऊन देखील जिल्ह्यातील अनेक महसूल मंडळात पिक विम्याच्या जाचक अटीमुळे पंचनामे होत नाही. 

याच अनुषंगाने ठाकरे गटाचे आमदार कैलास पाटील यांनी मुख्यमंत्री उपमुख्यमंत्री कृषी मंत्र्यांकडे केवळ आकडेवारी न पाहता शेतकऱ्यांच्या प्रत्यक्ष बांधावर जाऊन पीक परिस्थिती पाहून जिल्ह्यातील सर्व शेतकऱ्यांचा अग्रिम पिक विमा रकमेसाठी समावेश करावा अशी मागणी केली आहे.तसेच एन डी आर एफ,एचडी आर एफ प्रमाणे पिकांचे पंचनामे करून शेतकऱ्यांना भरीव मदत करावी असे देखील त्यांनी यावेळी म्हंटलय.