सरपंच संतोष देशमुख हत्या प्रकरणात कराड कनेक्शन समोर आल्यानंतर मुंडेंचं मंत्रिपद गेलं. त्यानंतर मुंडेंमागची वादाची मालिका काही थांबायचं नाव घेत नाही.... त्यातच जरांगेंनी एका महिलेचं नावाचा उल्लेख करत धनंजय मुंडेंना घेरलंय.. मुंडेंची 22 पेक्षा जास्त प्रकरणं आपल्याकडे आली आहेत.. त्यामुळे मुंडेंनी माझ्या नादी लागू नये, असा इशाराच जरांगेंनी दिलाय...

सरपंच संतोष देशमुख हत्या प्रकरणात कराड कनेक्शन समोर आल्यानंतर मुंडेंचं मंत्रिपद गेलं. त्यानंतर मुंडेंमागची वादाची मालिका काही थांबायचं नाव घेत नाही.... त्यातच जरांगेंनी एका महिलेचं नावाचा उल्लेख करत धनंजय मुंडेंना घेरलंय.. मुंडेंची 22 पेक्षा जास्त प्रकरणं आपल्याकडे आली आहेत.. त्यामुळे मुंडेंनी माझ्या नादी लागू नये, असा इशाराच जरांगेंनी दिलाय...

खरं तर सरपंच संतोष देशमुख हत्या प्रकरणी वाल्मिक कराडचं नाव आल्यानंतर धनंजय मुंडे चांगलेच अडचणीत आले... त्यानंतर मुंडे विजनवासात गेले होते.. मात्र आता मुंडे पुन्हा राजकारणात सक्रीय झाले.. एवढंच नाही तर मंत्री छगन भुजबळ यांच्या ओबीसी महाएल्गार मेळाव्याला उपस्थित राहत थेट जरांगेंवर हल्ला चढवला.. त्यामुळे जरांगे विरुद्ध मुंडे संघर्ष निर्माण झाला... मात्र महापालिका, झेडपी निवडणुकीनंतर हा वाद निवळण्याची शक्यता असतानाच जरांगेंनी मुंडेंना पुन्हा एकदा घेरलंय.. मात्र आतापर्यंत मुंडे कोणत्या प्रकरणांमुळे अडचणीत आलेत....पाहूयात...

सरपंच हत्या प्रकरणी कराडमुळे मुंडेंचं मंत्रिपद गेलं. त्यानंतर जिल्हा नियोजन विभागाच्या कामात घोटाळा झाल्याचा आरोप करत धसांनी मुंडेंना घेरलं.. एवढंच नाही तर कृषी घोटाळ्याच्या आरोपांनी मुंडे अडचणीत आले होते... तर त्यापाठोपाठ मुंडेंनी आपल्या हत्येची सुपारी दिल्याचा आरोप करत जरांगेंनी मुंडेंना घेरलं. तर दुसरीकडे करुणा मुंडे कौटुंबिक हिंसाचार प्रकरणीही धनंजय मुंडेंच्या अडचणीत वाढ झालीय...

आधीच मराठा विरुद्ध ओबीसी आरक्षण प्रकरणावरुन धनंजय मुंडे विरुद्ध मनोज जरांगे संघर्ष रंगला होता... आता पुन्हा एका महिलेच्या पतीच्या मृत्यूप्रकरणी जरांगेंनी नव्याने आरोप केल्यानं जरांगे विरुद्ध मुंडे संघर्ष आणखी टोकाला जाण्याचीच शक्यता आहे....