Devendra Fadnavis News: पुन्हा एकदा पहाटेच्या शपथविधीवरून राज्याचं राजकारण रंगलं आहे. उपमुख्यमंत्री देवेंद्र फडणवीस यांनी पहाटेच्या शपथविधीविषयी केलेल्या वक्तव्यावर बोलताना शरद पवार यांनी फडणवीसांना टोला लगावला आहे. "''आमच्यात अनेक गोष्टींची चर्चा झाली, ही गोष्ट खरी आहे. पण त्यांनी स्वतःच सांगितलं की मी दोन दिवसांनी धोरण बदललं, मग पहाटेची शपथ का घेतली? असं म्हणत पवारांनी फडणवीसांना क्लिन बोल्ड केलं.

त्यानतंर लगेच देवेंद्र फडणवीस यांनी देखील प्रतिक्रिया दिली आहे. फडणवीस म्हणाले, "मला अतिशय आनंद आहे की, अखेर पवार साहेबांना सत्य सांगावं लागलं. मी जी गुगली टाकली, त्यामुळे त्यांचं सत्य बाहेर आलं आहे. पण ते अर्धच आलंय, उरलेलं सत्यही मी बाहेर काढीन. एवढंच आहे की त्यांच्या गुगलीमुळे मी बोल्ड व्हायच्या ऐवजी त्याचे पुतणे अजित पवारच बोल्ड झाले. त्यांनी स्वत:च्या पुतण्यालाच बोल्ड केलंय. पण हरकत नाही, उरलेलं सत्यही लवकरंच बाहेर येईल". (Marathi Tajya Batmya)

एका वृत्तवाहिनीला दिलेल्या मुलाखतीत उपमुख्यमंत्री देवेंद्र फडणवीस यांनी पुन्हा एकदा पहाटेच्या शपथविधीचा उल्लेख करत ''2019 मध्ये भाजप-राष्ट्रवादीने सरकार स्थापन करण्याचं ठरलं होतं. सरकार स्थापनेबाबत शरद पवारांसोबतही बैठकही पार पडली होती. त्यानुसार आम्ही तयारी केली. मात्र 3-4 दिवसातच शरद पवार मागे हटले", असा दावा फडणवीस यांनी केला होता. (Latest Political News)

देवेंद्र फडणवीस यांच्या या दाव्यावर बोलताना शरद पवार यांनी आज पत्रकार परिषदेत प्रतिक्रिया दिली आहे. शरद पवार म्हणाले, ''आमच्यात अनेक गोष्टींची चर्चा झाली, ही गोष्ट खरी आहे. पण त्यांनी स्वतःच सांगितलं की मी दोन दिवसांनी धोरण बदललं. मग पहाटेची शपथ का घेतली? तीही चोरून पहाटे घेण्याचं काय कारण होतं?'' असं म्हणत पवारांनी फडणवीसांना क्लिन बोल्ड केलं. (Latest Marathi News)