Devendra Fadnavis: नांदेडमध्ये आयोजित सभेत उपमुख्यमंत्री देवेंद्र फडणवीस यांनी महाविकासआडीवर जोरदार हल्लाबोल केला. आता काही लोक एकत्रित येऊन भाजप-सेनेला पराभूत करू असे म्हणत आहेत. पण जंगालत कितीही प्राणी एकत्र आले तरी ते वाघाची शिकार करू शकत नाही, असा हल्लाबोल देवेंद्र फडणवीस यांनी मविआवर केला आहे.

देवेंद्र फडणवीस म्हणाले, अमित शहा यांची नांदेडमध्ये सभा घेतली तर अशोक चव्हाण म्हणाले, भाजपाला शंका आहे नांदेड मध्ये लोकसभा जिंकतील. अशोक राव तुमची मजल टूजी, थ्रीजी आणि सोनियाजीपर्यंत आहे. काँग्रेसला थोडं यश मिळालं तरी त्यांच्या डोक्यात हवा जाते. महाराष्ट्रात कर्नाटक पॅटर्न आणणार म्हटले असे चव्हाण म्हणाले, मात्र मी त्यांना सांगतो महाराष्ट्रात फक्त छत्रपती शिवाजी राजे पॅटर्न चालतो आणि हा पॅटर्न मोदीजींनी आणला आहे.

देवेंद्र फडणवीस म्हणाले, 2014 आणि 2019 प्रत्येक निवडणुकीत शरद पवार एकच सांगतात मोदी लाट ओसरली मोदी लाट ओसरली आणि रेकॉर्ड ब्रेक मतांनी मोदीजी निवडून येतात. काल हा देश मोदीजींच्या मागे होता, आजही आहे आणि उद्याही असेल. आमची स्पर्धा ही गुजरातसोबत आहे? कोण जास्त खासदार निवडून देतोय यासाठी आम्ही स्पर्धा करतोय. (Breaking News)

महाराष्ट्रात २५ लाख लोकांना मोदीजी यांनी घर दिलं. मोफत कोविडची लस देण्याचं काम मोदीजी यांनी केलंय. ७० वर्षांत पाणी पोहोचलं नव्हतं तिथे मोदी जी यांनी १ कोटी १२ लाख लोकांच्या घरी पाणी पोहोचवले. मोदींच्या नेतृत्त्वा 4 लाख कोटींची प्रकल्प आलेत, रस्ते होत आहेत पुल होत आहेत. मोदींच्या सरकराने पायाभूत सुविधांसाठी 4 लाख कोटी रुपयांची गुंतवणूक केली आहे. त्यामुळे 9 वर्षात राज्यातल्या गरिबाला, मध्यमवर्गीयांना सामान्य मराठी मानसाला मोदींच्यांच्या नेतृत्त्वात विकास अनुभवायला मिळाला, असे देवेंद्र फडणवीस म्हणाले. (Latest Political News)

फडणवीस म्हणाले, तुमच्या आशिर्वादाने पुन्हा एकदा डबल इंजिनचं सरकार आलं. आधी देखील 2014 ते 19 सरकार तुम्ही पाहिलं. महाराष्ट्र बदलण्याचं काम आपण केलं. समृद्धीसारखा महामार्ग आपण तयार केला. मध्यंतरी अडीच वर्षाचं सरकार होतं. आता काही लोक एकत्रित येऊन भाजप सेनेला पराभूत करू असे म्हणत आहेत. पण जंगालत कितीही प्राणी एकत्र आले तरी ते वाघाची शिकार करू शकत नाही, असे म्हणत फडणवीस यांनी महाविकास आघाडीला आवाहन दिले आहे. (Latest Marathi News)